Breaking newsss!!! TFF YAANZA MAZUNGUMZO NA FUFA YA KUBADILISHA RATIBA YA CHAN, KISA MASHINDANO YA COSAFA

Katibu Mkuu wa TFF, Angetile Oseah

Shirikisho la soka la Tanzania (TFF) ambalo ndilo litakalo kuwa mwenyeji wa mechi ya Tanzania dhidi ya Uganda June 23 mwaka huu wa kutafuta mabingwa wa nchi za Afrika  (Chan) kabla ya kurudiana baada ya wiki mbili limewasilisha  kusudio la kuomba mchezo huo kuahirishwa kwa Uganda kutokana na Tanzania kukabiliwa na ratiba ya kushiriki michuano ya COSAFA  dhidi ya Mauritius.

Kwa mujibu wa taarifa ambazo Katibu  Mkuu wa Shirikisho la soka Tanzania (TFF)  Angetile Osiah aliyoitoa kwenye mtandao wa star africa inasema kuwa wamewasilisha ombi lao FUFA lakini inawezekana Uganda wakakataa kwani bado hawajapata jibu kutoka FUFA la kubadili tarehe  ya mchezo huo.

LENZI YA MICHEZO ilimtafuta Katibu Mkuu wa TFF, Angetile Osiah kwa simu lakini hakutaka kuweka wazi kwa sababu ya taratibu za kiofisi 

Mashindano ya COSAFA ambayo Tanzania inashiriki kama mwaliko pamoja na Kenya wakitokea ukanda wa CECAFA  yatashirikisha nchini 14 , ambayo yatafanyika kwenye miji ya Lusaka, Ndola, Kabwe na  Kitwe huko  Zambia na Tanzania itafungua dimba na Shelisheli Julai 6, mwaka huu.

Mechi ya pili ya Taifa Stars katika hatua ya makundi itakuwa Julai 8 mwaka huu dhidi ya Mauritius. Mechi ya mwisho katika hatua hiyo itakuwa Julai 10 mwaka huu dhidi ya Namibia na yatafikia tamati Julai 20, mwaka huu

Nchi za COSAFA zinazoshiriki michezo hiyo ni Swaziland, Namibia, Botswana, Lesotho, Mauritius na  Shelisheli,  Zambia, Afrika ya Kusini, Angola, Zimbabwe, Msumbiji  na  Malawi

Naye kocha wa timu hiyo Kim Poulsen amesema kuwa timu yake itacheza mechi ya kirafiki kabla ya kucheza na Morocco’s June 8, mwaka huu.