KAMATI YA UTENDAJI YA SHIRIKISHO LA SOKA NCHINI KUKUTANA JUMAMOSI KUJADILI AGIZO LA SERIKALI LA KUTENGUA MATUMIZI YA KATIBA MPYA YA 2012

Michael Richard Wambura akionyesha katiba ambayo matumizi yake yamesitishwa na Waziri wakati akiongea na waandishi wa habari hivi karibuni

 

Sekretarieti ya Shirikisho la Mpira wa Miguu Tanzania (TFF) imepokea barua ya Serikali ikielezea uamuzi wa Waziri wa Habari, Vijana, Utamaduni na Michezo, Dk. Fenella Mukangara kutengua uamuzi wa Msajili wa Klabu na Vyama vya Michezo nchini kuidhinisha marekebisho ya Katiba ya TFF toleo la 2012.

Baada ya kupokea barua hiyo jana alasiri (Februari 25 mwaka huu), Sekretarieti iliwasiliana na Rais wa TFF, Leodegar Tenga ambaye ameagiza kuitishwa kikao cha dharura cha Kamati ya Utendaji kujadili tamko hilo.

Kikao hicho cha Kamati ya Utendaji ya TFF kitafanyika Jumamosi (Machi 2 mwaka huu) jijini Dar es Salaam.