KADI NYEKUNDU KUMKOSESHA CRISTIANO RONALDO MECHI KOMBE LA DUNIA 2026

Mshambuliaji nguli wa Ureno, Cristiano Ronaldo (40), ambaye ni "legendari hai" wa soka la Ureno, anakabiliwa na tishio la kufungiwa kushiriki mechi za mwanzo katika Kombe la Dunia 2026.

Hili ni Kombe la Dunia la mwisho analotarajiwa kusakata kambumbu.

Tishio hilo linatokana na kuchapwa kadi nyekundu ya moja kwa moja aliyooneshwa kwa kumpiga kiwiko beki wa timu pinzani Dara O’Shea wakati Ureno ilipocheza dhidi ya Ireland katika mechi ya kufuzu kwa Kombe la Dunia la 2026.

Mtandao wa michezo wa ESPN uliripoti: 'Cristiano Ronaldo yuko katika hatari kubwa ya kufungiwa adhabu ya angalau mechi tatu (3) wakati wa fainali za Kombe la Dunia 2026.'

Ronaldo alitolewa nje kwa kadi nyekundu dakika ya 16 ya kipindi cha pili wakati Ureno ikifungwa 0-2 katika mechi ya tano ya kundi F ya kufuzu, ugenini dhidi ya Ireland Novemba 14, 2025. Awali Ronaldo alivutiwa kadi ya njano, lakini ilibadilishwa na kuwa kadi nyekundu baada ya ukaguzi wa kitendo hicho katika VAR.

Hii ni kadi nyekundu ya kwanza kwa Ronaldo katika michezo 226 aliyoichezea timu ya Taifa, ingawa amewahi kutolewa nje mara 13 katika maisha yake ya klabu.

Tayari adhabu ya kufungiwa mechi moja imethibitishwa, ikimfanya Ronaldo kukosa mechi ya mwisho ya kufuzu dhidi ya Armenia itakayochezwa tarehe 16.

Chini ya kanuni za FIFA, adhabu ya ziada ya mechi moja au mbili inaweza kutolewa kulingana na uzito wa kosa – jambo ambalo linaweza kumchanganya Ronaldo. Kulingana na ESPN, wachezaji wanaofanya "vitendo vya fujo ikiwemo matumizi ya kiwiko" hukabiliwa na adhabu ya angalau ya kutocheza mechi tatu.

Ikiwa Ureno, ambayo kwa sasa inaongoza Kundi F, itafuzu moja kwa moja kwenye fainali za Kombe la Dunia, Ronaldo anaweza kukosa mechi ya kwanza au hata mechi ya pili ya hatua ya makundi. Adhabu hizi hazitumiki kwenye mechi za kirafiki.

Hata kama Ureno itashindwa kufuzu moja kwa moja, suala hili litaendelea. Katika hali hiyo, Ureno italazimika kushiriki kwenye michezo ya mchujo ya Ulaya (European playoffs) ili kupata nafasi ya fainali – hali ambayo kukosekana kwa nahodha Ronaldo, ambaye ndiye mfungaji mkuu wa muda wote duniani katika mechi za kimataifa (mabao 143), kutahisiwa sana.

Ronaldo, aliyezaliwa mwaka 1985, hivi karibuni alitangaza, “Kombe la Dunia la 2026 litakuwa la mwisho kwake.” Ameshiriki Kombe la Dunia mara tano, ikiwemo mashindano ya Qatar 2022, lakini hajawahi kushinda taji hilo. Matokeo yake bora ni kufika nusu fainali katika Kombe la Dunia la 2006 nchini Ujerumani.