FAINI ZATAWALA LIGI DARAJA LA KWANZA NA LA PILI

TIMU za Mgambo JKT imepigwa faini ya sh. 500,000 kutokana na washabiki wake kuingia uwanjani baada ya filimbi ya mwisho ya mchezo kupulizwa na Kiluvya United imepigwa faini ya sh. 100,000 kwa kutohudhuria kikao cha maandalizi ya mechi.

Friends Rangers imepigwa faini ya sh. 500,000 kutokana na washabiki wake kusababisha mchezo kusimama kwa dakika tano baada ya kumpiga jiwe mwamuzi msaidizi na JKT Mlale imepigwa faini ya sh. 100,000 kutokana na kuhudhuria kikao cha maandalizi ya mechi ikiwa na maofisa pungufu

Mawenzi Market imepigwa faini ya sh. 500,000 kutokana na washabiki wake kusababisha mchezo kusimama kwa dakika nne baada ya kumpiga jiwe mwamuzi msaidizi.

Transit Camp na Biashara United Mara kila moja imepigwa faini ya sh. 500,000 kutokana na vitendo vinavyoashiria imani za ushirikina katika mechi hiyo wakati zikiingia uwanjani vilevile Transit Camp pia imepigwa faini ya sh. 500,000 kutokana na washabiki wake kuingia uwanjani baada ya mchezo kupmalizika kwa lengo la kutaka kumpiga mwamuzi.

Naye mchezaji wa KMC Stephano Mwasika amefungiwa mechi tatu na kupigwa faini ya sh. 300,000 kwa kumpiga kiwiko kwa makusudi mchezaji wa Mbeya Kwanza na Athuman Idd Chuji wa Coastal Union na Shabani Stambuli wa Polisi Tanzania wamesimamishwa mechi tatu na kupigwa faini ya sh. 300,000

Na katika daraja la pili Pepsi imepigwa faini ya sh. 100,000 (laki moja) kwa kuchelewa kwenye kikao cha maandalizi na pia kuchelewa kufika uwanjani na Kilimanjaro Heroes, African Sports, Mkamba Rangers, Milambo na Mashujaa zimepewa onyo kutokana na makosa mbalimbali.