Dk Mwigulu akumbusha haja ya teknolojia madini adimu

Waziri Mkuu Dkt. Mwigulu Nchemba amesisitiza umuhimu wa nchi kuwekeza katika teknolojia itakayowezesha uongezaji thamani wa madini adimu (critical minerals) hapa nchini badala ya kuendelea kuyauza katika hali ya ughafi. 

Akizungumza leo (Jumatano, Oktoba 7, 2026) jijini London, Uingereza, alipokea taarifa ya utafiti kuhusu uchimbaji na uongezaji thamani wa madini hayo iliyoandaliwa na wataalamu kutoka kampuni ya McKinsey ya nchini humo wakati wa kikao kilichofanyika katika ukumbi wa hoteli ya Hyatt. 

Kikao hicho kilijadili fursa za Tanzania katika sekta hiyo, huku kikiweka mkazo maalum kwenye matumizi ya teknolojia ya kisasa, uwekezaji thabiti, na kuwajengea wataalamu wa ndani uwezo wa kuchakata na kuzalisha bidhaa za madini hayo ili kukuza uchumi na viwanda vya ndani. 

Dkt. Nchemba alihitimisha kwa kueleza kuwa Serikali itaendelea kuweka mazingira wezeshi ya kuvutia wawekezaji kupitia tafiti na ubunifu utakaohakikisha rasilimali hizo zinaleta tija kubwa, ikiwemo kutengeneza ajira za kutosha kwa wananchi wa Tanzania.