UZINDUZI WA ALBAM ZA KIKUNDI CHA KAPOTIVE CHA KAGERA WAFANA

Naibu Waziri wa Sheria na Katiba Angela Kairuki (Katikati) akiwa ameinua juu albam alizozindua jana kwenye ukumbi wa Ubungo Plaza

Kapotive kwaya wakitumbuiza 

Kapotive 

Upendo Nkone pia alikuwepo

Masanja Mkandamizaji pia alikuwepo

NAIBU Waziri wa Sheria na Katiba, Angela Kairuki amesema serikali ipo pamoja na wasanii katikati kulinda haki za kazi zao.

Angela aliyasema hayo juzi wakati akizindua albamu mbili za kikundi cha kwaya ya Kapotive toka Kagera iliyofanyika kwenye ukumbi wa Ubungo Plaza jijini Dar es Salaam.

“Nawapongeza Kapotive kwa kazi zao nzuri kwani kimekuwa kikundi cha mfano kinachotoa huduma ya kiroho kupitia nyimbo, kwani pia kinaburudisha”, alisema Angela.

Pia naibu Waziri aliwachangia wanakikundi hao milioni moja kwa ajili ya kuanzisha studio itakayokuwa inatengeneza kazi za wasanii mbalimbali huko Kagera.

Kapotive ilizindua albamu mbili, moja ikiitwa Namshukuru Mungu yenye nyimbo 10 na nyingine Yesu ni mwema yenye nyimbo nane.

Katika uzinduzi huo kwaya mbalimbali na zilitumbuiza akiwemo Upendo Nkone na Emanuel Masanja maarufu kama Masanja Mkandamizaji aliyetumbuiza wimbo wake uitwao ‘nipo busy’ na kuwafanya waliojumuika kusimama na kuimba na kucheza pamoja naye.