MASHUJAA KUZINDUA RISASI KIDOLE JUKWAA MOJA NA FM ACADEMIA JUMAMOSI

Rais wa bendi ya Mashujaa Charlz Baba akiongea na waandishi wa habari kuhusu uzinduzi wa albam yao ya ‘Risasi kidole’ utakaofanyika jumamosi Business Park Kijitonyama, jijini Dar es Salaam, (wa kwanza kushoto) ni Nyoshi El Saadat  wa FM Academia na (mwisho kulia) ni Saulo John’ Ferguson’ wa bendi ya Mashujaa. Bendi ya FM Academia itasindikiza uzinduzi wa Albamu ya hiyo ya Mashujaa

Nyoshi El Sadat Rais wa FM Academia akionyesha manjojo yake kwa waandishi wa habari leo 

Mwanamuziki Saulo John’ Ferguson’ wa bendi ya Mashujaa akiimba wakati wa mkutano na waandishi wa habari kuhusu uzinduzi wa albam yao ya ‘Risasi kidole’ utakaofanyika jumamosi Business Park Kijitonyama, jijini Dar es Salaam, (wa kwanza kushoto) ni Nyoshi El Saadat  wa FM Academia na katikati ni Charls Baba wa Mashujaa. Bendi ya FM Academia itasindikiza uzinduzi wa Albamu ya hiyo ya Mashujaa

Lilian Internet akionyeshastaili ya kibega na mgongo

Anti Suzy pia alionyesha manjonjo yake

WAPENZI wa muziki wa dansi katika jiji la Dar es Salaam Jumamosi hii watapata burudani ya aina yake wakati bendi mbili maarufu za muziki huo  za FM Academia na Mashujaa, zitakapopanda jukwaa moja katika onyesho maalum za uzinduzi wa mauzo ya albamu Risasi Kidole ya bendi ya Mashujaa.

Onyesho hilo la pamoja litafanyika kwenye ukumbi wa Business Park uliopo Kijitonyama jijini Dar es Salaam ambapo bendi hizo zimekubaliana kufanya ushirikiano maalum ambao utakuwa ni muendelezo wa ushirikiano wa kufanya maonyesho ya pamoja kwa bendi za muziki wa aina hiyo hapa nchini.

Wakizungumza na waandishi wa habari leo, viongozi wa bendi hizo wamesema kuwa onyesho hilo litakuwa la aina yake ambapo pamoja na burudani bendi ya Mashujaa itakuwa ikizindua rasmi uuzaji wa albamu yake hiyo ambayo ni ya kwanza.

“Albamu yetu ina jumla ya nyimbo tisa, onyesho hili ni maalum kabisa kwa ajili ya kuzindua mauzo ya alabu yetu, katika hili tumeona tuanze pia ushirikiano wa kufanya maonyesho ya pamoja bendi zingine na sasa tunaanza kushirikiana na FM Academia,” alisema Charles Baba, kiongozi wa bendi ya Mshujaa.

Kwa upande wake Rais wa FM Academia, Nyoshi Al-Saadat alisema umefika wakati sasa bendi ziwe na ushirikiano wa kweli, kwa lengo la kuinua muziki huo, na si kufanya mashindano ambayo mwisho wake umekuwa ni kuvurugana.

Viongozi hao waliwataka mashabiki wa muziki kufika kwa wingi katika Ukumbi wa Business Park kushuhudia onyesho hilo ambalo litakuwa la aina yake  kwa kuwa kila bendi imejiandaa vyema kwa ajili ya kutoa burudani ya uhakika kwa mashabiki.