REAL MADREAD ILIPOIFUNGASHA VIRAGO BARCELONA

NYOTA wa Real Madrid, Cristiano Ronaldo alithibitisha thamani yake kwa kufungia timu yake mabao mawili na kuipa timu yake ushindi wa 3-1 katika Nusu Fainali ya Kombe la Mfalme dhidi ya Barcelona.

 

Huo ulikuwa usiku mzuri kwa Mourinho ndani ya Barcelona tangu aiwezeshe Inter Milan kutinga fainali ya Ligi ya Mabingwa akiwa na wachezaji 10.

Nyota: Cristiano Ronaldo alifunga mabao mawili Real Madrid ikiifunga Barcelona 3-1 Uwanja wa Nou Camp

 

 

 

 

 

 

 

 

 

 

 

Katika mchezo huo, Messi, ambaye aliingia uwanjani kusaka bao la 50 msimu huu, alifunikwa kama ilivyokuwa kwenye mechi na AC Milan.

Ronaldo akiangushwa chini na Gerard Pique na kuwa penalti akaenda kufunga mwenyewe dakika ya 13

Ronaldo akimpeleka kulia Jose Manuel Pinto, huku mpira ukitinga kushoto

 

 

Messi alifunikwa na beki kinda Mfaransa, Raphael Varane, na alikuwa bwana mdogo huyo huyo wa miaka 19 aliyefunga kwa kichwa bao la tatu.
Bao la Varane lilikumbushia bao lake la kusawazisha katika mchezo wa kwanza na lilimsisimua mno Mourinho, ambaye alimvaa beki huyo wa kati kwenye mstari wa kuingia uwanjani na kuanza kushangilia naye.

Jordi Alba aliifungia bao la kufutia machozi Barca dakika za lala salama akimalizia pasi nzuri ya Andres Iniesta.

Ronaldo akifunga la pili

Mourinho alimpeleka nje Iker Casillas kukutana na vyombo vya habari mwishoni mwa mchezo na kuitaka Real Madrid ihakikishe Ronaldo anabaki.

Tetesi zinamhusisha mchezaji huyo na kurejea England, huku ikisemekana klabu hiyo haina mpango wa kumuongezea mkataba wake ambao unamalizika mwaka 2015, na Casillas alisema: ‘Ni mchezaji wetu muhimu mno katika mechi hizi kubwa.

‘Alikuwa tu siyo babu kubwa usiku huu, lakini amekuwa hivyo katika Clasicos nyingine. Ni shujaa wetu.’

Raphael Varane akifungwa kwa kichwa bao la tatu

Lionel Messi na chini kulia taabani

Jordi Alba akishangilia bao lake la kufutia machozi

Pepe akiwa ameanguka chini baada ya kupambana na wapinzani wake

Sir Alex Ferguson na Msaidizi wake, Mike Phelan walikuwa Nou Camp jana