FERRAN TORRES ATUA PSG KWA EURO MILIONI 50

Mshambuliaji matata wa Hispania, Ferran Torres, ametua rasmi katika klabu ya mabingwa wa Ulaya, Paris St-Germain, akitokea Barcelona kwa ada ya uhamisho inayokadiriwa kufikia euro milioni 50, huku akisaini mkataba wa kuitumikia timu hiyo ya Ufaransa hadi mwaka 2031. 

Nyota huyo mwenye umri wa miaka 26, ambaye aliifungia Hispania bao la ushindi katika muda wa nyongeza dhidi ya Argentina na kubeba Kombe la Dunia mwezi uliopita, anajiunga na PSG iliyo chini ya kocha wake wa zamani Luis Enrique.

Torres alikuwa na msimu bora kabisa ambapo alifunga mabao 21 katika mechi 49 na kuisaidia Barcelona kutwaa ubingwa wa La Liga. 

Usajili huu unamfanya kuwa mshambuliaji wa pili wa hadhi kubwa kutua Parc des Princes msimu huu wa joto akitangulia Maghnes Akliouche.

Aidha anaingia wakati PSG ikiendelea kujivunia mataji yao baada ya Jumatano kuichapa Aston Villa 2-1 na kutwaa Ngao ya Jamii ya Ulaya (UEFA Super Cup), huku mustakabali wa Bradley Barcola ukiwa shakani kutokana na kuhitajiwa na Liverpool.