SERENGETI BOYS YATWAA UBINGWA CHINA

Timu ya taifa ya wavulana chini ya umri wa miaka 17, ‘Serengeti Boys’, imetwaa ubingwa wa michuano ya kimataifa ya kirafiki nchini China baada ya kuichapa Australia kwa mabao 5-3 katika mchezo wa mwisho uliopigwa jana kwenye Uwanja wa Helanshan. 

Ushindi huo unakamilisha rekodi safi ya timu hiyo iliyoibuka kidedea katika mechi zote tatu, ikianza kwa kuifunga Nigeria mabao 3-2 kwenye mchezo wa ufunguzi kabla ya kuwatandika wenyeji China mabao 2-0 katika mchezo wa pili.

 Katika mtanange huo wa jana dhidi ya Australia, mabao ya Serengeti Boys yalipachikwa wavuni na Hamisi Chenga na Sadam Hussein waliofunga mawili kila mmoja, huku Razaki Mbengelendi akigonga msumari wa mwisho.

Katika mechi zilizotangulia, Issa Chole, Hamisi Chenga, na Kassim Juma walifunga mabao dhidi ya Nigeria, wakati Hassan Kizinga na Dismas Athanas walizamisha jahazi la wenyeji China.

Michuano hii iliratibiwa na Shirikisho la Mpira wa Miguu Tanzania (TFF) kama sehemu ya maandalizi ya kimkakati na mifumo ya kimbinu kuelekea fainali za Kombe la Dunia la FIFA kwa vijana (U-17) zitakazofanyika Qatar kuanzia Novemba 19 hadi Desemba 13 mwaka huu. 

Kocha Mkuu wa kikosi hicho, Elieneza Nsanganzelu, ameeleza kuwa mashindano hayo yamekuwa kama maabara nzuri iliyowasaidia kuwajaribu wachezaji dhidi ya wapinzani wenye nguvu ili kuboresha utendaji wao kabla ya kukabiliana na mataifa makubwa duniani.