KOCHA WA ARSENAL WENGER ADAI CHELSEA KUMUUZA JUAN MATA KWA MAN UNITED ‘SI HAKI!’

Arsene Wenger anadhani Uhamisho wa Kiungo wa Spain JuanMata kutoka Chelsea kwenda Manchester United si kitu cha haki.
Inatarajiwa leo hii Mata atakamilisha Uhamisho wake baada kupimwa Afya yake na kusaini Mkataba wa Miaka 4 ½ kwa Dau la  Pauni Milioni 37. Lakini Wenger ameibuka na kusema haikuwa haki kwa Chelsea kumuuza Mata kwa Man United hasa kwa vile Klabu hizo mbili zimeshakutana mara mbili kwenye Ligi Kuu England na kumaliza Mechi kati yao Msimu huu.
Wenger ametamka: “Nimeshangazwa. Juan Mata ni Mchezaji Bora sana na wanamuuza Mchezaji Bora kwa Wapinzani wao wa moja kwa moja. Chelsea washacheza na Man United mara mbili, kwa nini wasimuuze Wiki iliyopita. Kuna haja ya kuweka haki kwa kila Mtu, hili lisingetokea. Naelewa waziwazi nini Chelsea wanafanya na wao si wanaotunga Sheria lakini Sheria lazima zizingatie haki kwa wote.”Arsenal, ambao ndio Vinara wa Ligi wako Pointi 2 mbele ya Chelsea walio Nafasi ya 3, wanaweza kumvaa Mata wakati Man United itakapotua Emirates kucheza Mechi ya Ligi hapo Februari 12.

Juan Mata leo ijumaa anatarajiwa kutua Old TraffordKocha wa Man United David Moyes