UJUMBE WA FIFA WAANZA KAZI JAPO WASHINDWA KUONANA NA WAZIRI FENELLA MUKANGARA

MKUU wa Kitengo cha Uanachama wa Shirikisho la Soka la Kimataifa (FIFA), Primo Corvaro aliwasili jana nchini tayari kutatua mgogoro wa Uchaguzi wa Shirikisho la Soka Tanzania (TFF) kuanzia leo.

Afisa Habari wa TFF, Boniface Wambura amesema kwamba Primo aliwasili pamoja na Mkuu wa Kanda hii, Ashford Mamelodi na tayari wameshaanza kazi iliyowaleta ila wameshindwa kuonana na Waziri wa Habari,Michezo,Vijana na Utamaduni, Dr. Fenella Mukangara kutokana na kuwa kwenye vikao vya bunge la Bajeti linaloendelea Dodoma

Pia Wambura amesema ratiba nyingine inabaki kama ilivyopangwa awali kwa siku tatu na  ujumbe huo umeanza kukutana na Sekretarieti pamoja na Rais wa TFF na jioni hii utakutana na wagombea uongozi walioathiriwa na uamuzi wa Kamati ya Rufani ya Uchaguzi ya TFF ambao wakiomba FIFA iingilie mchakato huo.

Majina ya wagombea wakaokutana na ujumbe huo na ratiba ni kama unavyoonekana kwenye majedwali yaliyopo chini.

ORODHA YA WALIOATHIRIWA NA MAAMUZI YA KAMATI YA RUFAA

NA.	JINA	NAFASI ALIYOGOMBEA	UAMUZI WA KAMATI YA UCHAGUZI	UAMUZI WA KAMATI YA RUFAA ZA UCHAGUZI	OMBI LA SHAURI KUANGALIWA UPYA AU UAMUZI WA KUKATA RUFAA FIFA
1.	Ahmedi Yahaya	Mwenyekiti wa Bodi ya Ligi Kuu	Aloipitishwa	Aliondolewa	Aliomba shauri lake liangaliwe upya
2.	Mbasha Matutu	Ujumbe wa Kamati ya Utendaji (Mikoa ya Shinyanga na Simiyu)	Aliondolewa	Aliondolewa	Aliomba shauri lake liangaliwe upya
3.	Farid Salim Mbaraka Nahdi	Ujumbe wa Kamati ya Utendaji ya TFF (Morogoro na Pwani)	Aliondolewa	Aliondolewa	Aliomba shauri lake liangaliwe upya
4.	Eliud Peter Mvella	Ujumbe wa Kamati ya Utendaji (Iringa na Mbeya)	Aliondolewa	Aliondolewa	Aliomba shauri lake liangaliwe upya
5.	Jamal Emily Malinzi	Urais wa TFF	Alipitishwa	Aliondolewad	Aliomba shauri lake liangaliwe upya na alikata rufaa FIFA
6.	Michael Richard Wambura	Makamu wa Rais wa TFF	Aliondolewa	Aliondolewa	Alikata rufaa FIFA

 PROGRAMU YA UJUMBE WA FIFA NCHINI

PROGRAMU YA SIKU TATU (Tarehe 15 – 18 Aprili 2013)

Date / Time	Activity
15 Aprili 2013 Saa 12:30 – 03:00	Kuwasili kwa wajumbe wa FIFA
15 Aprili 2013 Saa 04:00 – saa 05:00 usiku	Kikao na Rais wa TFF pamoja na Sekretarieti
16 Aprili 2013 Saa 04:00 – 05:00 asubuhi	Kwenda ofisini kwa Waziri wa Michezo kwa ajili ya kumsalimu
16 Aprili 2013 Saa 05:30 – 06:30 asubuhi	Kukutana na Kamati ya Uchaguzi ya TFF kupata taarifa ya uchaguzi
16 Aprili 2013 Saa 06:30 – 08:00 mchana	Chakula cha Mchana
16 Aprili 2013 Saa 08:00 – 12:00 jioni	Kukutana na wagombea walioondolewa
17Aprili 2013 Saa 03:00 – 05:00 asubuhi	Kukutana na Kamati ya Rufa za Uchaguzi ya TFF
17 Aprili 2013 Saa 05:30 – 06:30 Mchana	Kupewa taarifa zinazohusiana na mchakato wa uchaguzi, i.e., kesi zilizo mahakamani
17 Aprili 2013 Saa 08:00 – 10:00 jioni	Kukutana na watu wengine ambao FIFA wanaweza kuomba kukutana nao
17Aprili 2013 Saa 10:30 – 11:00 jioni	Mkutano na waandishi wa habari – kushukuru mamlaka na pande zilizohusika kwa ushirikiano
18 Aprili 2013 Saa 10:00 – 12:00 Alfajiri	Kuondoka hotelini kwa ajili ya safari