KALA PINA ACHUKUA FOMU YA UDIWANI KINONDONI

MSANII wa muziki  wa kufoka foka toka Kikosi cha Mizinga, Karama Masoud, amechukua fomu za kugombea udiwani  kwenye kata ya Kinondoni jijini Dar es Salaam juzi.

Karama maarufu kama Kalapina, anagombea udiwani kupitia chama cha ACT Wazalendo.

Akizungumza baada ya kuchukua fomu hizo, Kalapina alisema kuwa ameamua kugombea udiwani ili kuleta mabadiliko kwa vitendo kwani anaamini anaweza kuongoza kata ya Kinondoni.

“Najiamini kama kijana kuwa na naweza hivyo nimejiandaa kuleta mabadiliko nikishirikiana na wananchi wa Kinondoni”, alisema Kalapina huku akishangiliwa na waendasha bodaboda ambao walimsindikiza.

Pia Kalapina alisindikizwa na katibu kata tawi la Kinondoni wa ACT, Johnson Kapi.

Kalapina ambaye pia ni kiongozi wa kundi la Kikosi Cha Mizinga, Mei alitangaza kugombea ubunge kupitia Chama cha Wananchi, CUF jimbo la Kinondoni jijini Dar es Salaam.