Blogroll

KWA MAWASILIANO ZAIDI TUWASILIANO KUPITIA BARUA PEPE pallangyorachel@yahoo.com AU NIPIGIE KUPITIA NAMBARI 0715187511

Pages

Sunday, October 6, 2019

DK MWAKYEMBE AIPOKEA TIMU YA U20, AZITAKA TIMU KUTUMIA WACHEZAJI ILI KULINDA VIWANGO




TANZANIA BARA BINGWA WA KWANZA WA MASHINDANO YA CHALENJI YA U20


Image
Image ya Taifa ya Tanzania Bara U20 imeibuka bingwa wa mashindano ya CECAFA baada ya kuifunga timu ya Kenya kwa bao 1-0 katika mchezo uliochwezwa kwenye Uwanja wa Shirikisho la Soka Uganda (FUFA Technical Centre) uliopo Njeru, Jinga na Eritrea ikishika nafasi ya tatu baada ya kuifunga Sudan 1-0
Katika mchezo huo ambao ulijaa ufundi Tanzania Bara ilipata bao katika dakika za nyongeza za kipindi cha kwanza baada ya mchezaji wa Kenya John Ochieng kujifunga na kuifanya kwenda mapumziko ikiwa mbele.
Baada ya kutoka mapumziko Kenya walifanya mabadiliko ya kumtoa Ronald Sichenje na kuingia  Benson  Ochieng  dakika ya 50 na dakika ya 65 Tanzania Bara ilimtoa  mshambuliaji Luyaya Said  na kuingia Andrew Albart na kufanya kila timu kuongeza mashambulizi.
Akizungumza baada ya mchezo Kocha Zuberi Katwila alisema waliingia kwenye mchezo wakijua wanakwenda kushinda kwa sababu walishawasoma Kenya wanavyocheza.
“Namshukuru Mungu kwa sisi kuwa mabingwa lakini tuliingia kwenye mchezo tukijua tunakwenda kushinda kwa sababu tulishaisoma Kenya jinsi wanavyocheza kwani hata hatua ya makundi tulitoka nao sare ya mabao 2-2,” alisema Katwila
Katika mashindano hayo Kelvin John wa Tanzania Bara aliibuka mfungaji bora akiwa na mabao saba akifuatiwa na mshambuliaji mwenzake Andrew Simchimba ambaye alifunga mabao sita sawa na Yoseif  Tesfai wa Eritrea.

Tanzania Bara ilifuzu fainali baada ya kuifunga Sudan kwa mabao 2-1 na Kenya ikaifunga Eritrea kwa bao 1-0.
Mpaka kutinga fainali Tanzania Bara ilifunga mabao 17 na imefunga mabao matano tu, mawili katika hatua ya makundi, mawili robo fainali na moja nusu fainali.
Mashindano ya CECAFA U20 yalianza kutimua vumbi Agosti 22, Tanzania bara ikiwa katika Kundi B pamoja na timu za Ethiopia, Zanzibar na Kenya na kundi A lilikuwa na timu za Uganda, Sudan, Sudan Kusini na Eritrea.

Wednesday, September 4, 2019

TFF WAPATA UDHAMINI WA MWAKA MMOJA WA MILIONI 495 TOKA KWA KCB



Shirikisho la Mpira wa Miguu Tanzania (TFF) na Benki ya KCB leo Septemba 4,  wameingia Mkataba wa Mwaka mmoja wa Udhamini wa Ligi Kuu ya Tanzania Bara. Mkataba huo unathamani ya shilingi Milioni 495 + VAT

KIKOSI CHA TAIFA STARS KINACHOANZA DHIDI YA BURUNDI


ZAHERA AFUNGIWA MECHI TATU NA MASAU ATOZWA FAINI YA 200,000

Want create site? Find Free WordPress Themes and plugins.
Kamati ya Bodi ya Ligi Kuu ya Uendeshaji na Usimamizi wa Ligi katika kikao chake cha Septemba 2, 2019 ilipitia matukio mbalimbali ya Ligi Kuu ya Vodacom (VPL) msimu wa 2019/2020 iliyoanza rasmi Agosti 24, 2019 na kufanya uamuzi ufuatao;
Mechi namba 9- Yanga 0 vs Ruvu Shooting 1. Mwamuzi Msaidizi Janeth Balama amefungiwa miezi mitatu kwa kushindwa kutafsiri sheria, hivyo kusababisha akatae bao halali lililofungwa na Ruvu Shooting katika mechi hiyo iliyofanyika Agosti 28, 2019 Uwanja wa Uhuru, Dar es Salaam. Adhabu dhidi yake imetolewa kwa kuzingatia Kanuni ya 39(1) ya Ligi Kuu kuhusu Udhibiti kwa Waamuzi.
Kocha Mkuu wa Yanga, Mwinyi Zahera ametozwa faini ya sh. 500,000 (laki tano) kwa kuvaa mavazi yasiyo nadhifu na ya heshima katika mechi hiyo, kinyume na Kanuni ya 14(2m) ya Ligi Kuu kuhusu Taratibu za Mchezo. Adhabu dhidi yake imetolewa kwa kuzingatia Kanuni ya 41(13) ya Ligi Kuu kuhusu Udhibiti kwa Makocha.
Klabu ya Yanga imepewa Onyo Kali kwa kushindwa kuhakikisha Kocha wake Mwinyi Zahera anaongoza benchi la ufundi la timu yake akiwa katika mavazi nadhifu na ya heshima. Adhabu dhidi ya klabu hiyo ni kwa mujibu wa Kanuni ya 14(3) ya Ligi Kuu kuhusu Taratibu za Mchezo.
Mkurugenzi wa Ruvu Shooting, Masau Bwire ametozwa faini ya sh. 200,000 (laki mbili), kwa kuingia ndani ya uwanja (eneo la kuchezea) baada ya filimbi ya mwisho, kinyume na Kanuni ya 14(10) ya Ligi Kuu kuhusu Taratibu za Mchezo. Adhabu dhidi yake imetolewa kwa kuzingatia Kanuni ya 14(49) ya Ligi Kuu kuhusu Taratibu za Mchezo.
Kocha Mkuu wa Yanga, Mwinyi Zahera amefungiwa kuiongoza timu yake katika mechi tatu za Ligi Kuu ya Vodacom kwa kutoa shutuma na kejeli kwa Bodi ya Ligi katika mkutano na waandishi wa habari baada ya mechi dhidi ya Ruvu Shooting. Adhabu hiyo imetolewa kwa kuzingatia Kanuni ya 41(9) ya Ligi Kuu kuhusu Udhibiti kwa Makocha.

Sunday, August 25, 2019

WABEBA MIZIGO BANDARI KWENDA KUISHUHUDIA LIVERPOOL DHIDI YA WATFORD ANFIELD DESEMBA



WAZIRI wa Habari, Utamaduni, Sanaa na Michezo, Dkt. Harrison Mwakyembe ameipongeza benki ya Standard Chartered kwa kutumia ufadhili wao kwa timu ya Liverpool kuboresha soka hapa Tanzania.

Akizungumza kwa niaba ya Dkt. Mwakyembe, wakati wa fainali za kuwania kombe la The Standard Chartered Cup 2019 kwenye viwanja vya JK Park Kidongo Chekundu jijini Dar es Salaam, Jumamosi Agosti 24, 2019, Mwenyekiti wa Baraza la Michezo la Taifa (BMT), Leodgar Tenga alisema,

“Nimekuwa nikifuatilia kwa karibu sana jinsi benki hii imekuwa ikileta magwiji wa timu ya Liverpool hapa nchini ambapo mwaka juzi 2017 walimleta John Barnes na mwaka jana 2018 alikuja Sami Hyypia ambao kwa nyakati walizokuja walikuwa na ratiba hapa nchini iliyohusisha mafunzo ya soka kwa makundi mbalimbali ya watoto na timu za vijana wetu kama vile Serengeti Boys kwetu sisi hili ni jambo la kupongezwa.” Alisema Tenga akimnukuu Dkt. Mwakyembe.

Awali Kaimu Mkurugenzi Mtendaji wa Standard Chartered Bank, Ajmair Riaz alisema hii ni mara ya Nne kwa benki yake kuandaa mashindano hayo ambapo mwaka huu zaidi ya timu 25 zilishiriki huku timu inayotwaa kombe pia hupata nafasi ya kwenda nchini Uingereza kushuhudia live pambano la soka baina ya Liverpool na Watford litakalopigwa Desemba mwaka huu 2019 kwenye uwanja wa Andield.

Naye Rais wa Shirikisho la Soka Nchini (TFF), Walles Karia alisema, Shirikisho hilo litatoa kila aina ya ushirikiano kwa taasisi yoyote ile ikiwemo benki ya Standard Chartered katika kukuza soka hapa nchini.

Katika hafla hiyo, pia Balozi mdogo wa Uingereza nchini, Rick Shearn alipata fursa ya kutoa salamu za ubalozi huo kwa washiriki wa fainali hizo kwa kusema, “Mpira ni zaidi ya michezo huleta pamoja jamii, lakini pia mpira hufundisha utulivu, ubunifu na nidhamu ambavyo ni somo linaloweza kutumika katika maisha yetu ya kila siku.” Alisema Kaimu balozi huyo hapa nchini.
Timu ya Dar es Salaam Corridor ndiyo  iliyoibuka mshindi katika fainalki hizo kwa kuichapa timu ya Coca Cola kwa bao 1-0 na hivyo ndiyo itakayokwenda nchini Uingereza Desemba mwaka huu 2019 kushuhudia Live pambano la soka ligi kuu ya Uingereza kati ya Mabingwa Liverpool na Watford kwenye uwanja wa Anfield.




 Mwenyekiti wa Baraza la Michezo la Taifa (BMT), Leodgar Tenga (kulia), akizunguzma jambo na Kaimu Mkurugrnzi Mtendaji wa Standard Chartered Bank-Tanzania, Ajmair Riaz (kushoto) na Rais wa Shirikisho la Soka Nchini (TFF) Wallace Karia (wapili kushoto) na Balozi Mdogo wa Uingereza Nchini, Rick Shearn muda mfupi kabla ya kuanza kwa fainali hizo.
Kaimu Mkurugenzi Mtendaji wa Standard Chartered Bank, Ajmair Riaz akipoiga mpira kuashiria kuanza kwa fainali hizo.

Mwenyekiti wa Baraza la Michezo la Taifa (BMT), Leodgar Tenga (aliuesimama), akitoa hotuba yake ya ufunguzi kwa niaba ya Waziri wa Habari, Uramaduni, Sanaa na Michezo, Dkt. Harrison Mwakyembe, muda mfuoi kabla ya kuanza kwa fainali za kombe la Standard Chartered Bank Cup 2019 kwenye viwanja vya JK Park Kidongo Chekundu jijini Dar es Salaam, Jumamosi Agosti 24, 2019.

 Timu ya Coca Cola na Airtel zikichuana kwenye pambanpo la awali la fainali hizo.Coca Cola ilishinda mabao 2-0.
 Mchezaji wa Halotel (katikati) akiwa kwenye msukosuko kutoka wapinzani wake
 Mchezaji wa Sahara Midia Group akimenyana na mchezaji wa Pasada (aliyevaa jezi za blue)
 Mchezji wa IPP (aliyevaa kifani) na mchezaji wa Wanasheria wa East Africa Lawa Chamber, wakimenyana kuwania mpira.
 Balozi mdogo wa Uingereza nchini, Rick Shearn (kulia), akibadilishana mawazo na Mchezaji wa soika wa zamani na mchambuzi wa mchezo wa mpira wa miguu hapa nchini, Ally Mayayi Tembele.
Kaimu Mkurugenzi Mtendaji wa Standard Chartered BankAjmair Riaz (kulia) na Mkuu wa Masoko na Uhusiano wa benki hiyo, Juanita Mramba wakiwa eneo la tukio.
Rais wa TFF akiwa tayari amekabidhi kombe kwa nahodha wa timu ya Dar es Salaam Corridor (watatu kulia) huku akisaidia kulibeba na Kaimu Mkurugenzi Mtendaji wa Standard Charteredb Bank Ajmi Riaz







Thursday, May 24, 2018

SIMBA YAKABIDHIWA MILIONI 100 NA SPORTPESA




MABINGWA wa Tanzania klabu ya Simba imekabidhiwa hundi ya Sh. Milioni 100 na kampuni ya SportPesa Tanzania baada ya kutwaa ubingwa wa Ligi Kuu Tanzania Bara msimu huu.
SportPesa Tanzania, ambao pia ni wadhamini wa mahasimu wa Simba, Yanga na Singida United imetekeleza kipengele cha mkataba wao kinachosema timu itakayotwaa ubingwa wa Ligi Kuu itapewa kiasi hicho cha fedha.
Akizungumza na waandishi wa habari katika hafla iliyofanyika kwenye ofisi za kampuni hiyo, Oysterbay, Dar es Salaam, Mkurugenzi wa Utawala na Udhibiti wa kampuni hiyo, Abbas Tarimba aliwapongeza viongozi na wachezaji wa Simba kwa kutwaa ubingwa kwani wameitendea haki nembo ya SportPesa
“Awali ya yote niwapongeza viongozi na wachezaji wa Simba kwani mmewapa heshima kubwa wana msimbazi kote nchini na kubwa zaidi ni heshima mliyotupa sisi kama wadhamini wenu wakuu, Simba imeitendea haki nembo yetu ya SportPesa na kampuni inaamini kuwa wadhamini wakuu imekuwa ni moja ya chachu iliyosababisha Simba kuchukua ubingwa huu,” alisema Tarimba

“Tunachokifanya leo ni kutimiza moja ya ahadi tuliyotoa wakati tunasaini mkataba Mei mwaka jana kuwa tutatoa bonasi ya Sh Milioni 100 endapo mojawapo ya timu tunazozidhamini itachukua ubingwa wa Ligi Kuu, hivyo bila shaka timu ni Simba”, aliongeza  Tarimba
Pia Tarimba amewataka viongozi kupeleke kikosi kamili kwenye michuano ya SportsPesa Super Cup inayotarajia kuanza Juni 3-10 nchini Kenya ili iweza kuwa bingwa na kurudi na kitita cha dola za Kimarekani 30,000 pamoja na kupata nafasi ya kwenda nchini Uingereza kucheza na Everton FC ya Ligi Kuu ya England Uwanja wa Goodison Park.
Naye Kaimu Makamu wa Rais wa Simba, Iddi Kajuna aliishukuru SportPesa kwa kuleta mabadiliko kwenye soka nchini ambapo wao wameyaona kwa upande wao.
“Niwashukuru SportPesa kwa kuleta mabadiliko ya soka nchini ambayo sisi Simba tumeyaona na tutaendelea kutoa ushrikiano katika miaka mingine minne iliyosalia kwenye mkataba wetu”, alisema Kajuna
Simba ni miongoni mwa timu nne kutoka Tanzania zitakazoshiriki michuano ya SportPesa Super Cup itakayofanyika nchini Kenya kuanzia Juni 3-10 ambayo yatashirikisha timu nane
Timu nyingine ni Yanga, Singida United na JKU ya Zanzibar, kutoka Kenya ni timu za Gor Mahia, AFC Leopards, Kakamega Home Boys  na Kariabangi Sharks za Kenya.
Gor Mahia ndiye bingwa mtetezi wa michuano hiyo baada ya kuwafunga watani wao wao jadi, AFC Leopard katika fainali mwaka jana zilizofanyika Uwanja wa Taifa, Dar es Salaam.