SOKA ndiyo mchezo
unaopendwa zaidi duniani, kutokana na umaarufu wa mchezo huo kuwafanya
wachezaji wake kuwa kivutio kila kona duniani.
Sifa moja ya wachezaji wa
soka ni ukakamavu wa kimichezo walionao, kitendo cha miili yao kujengeka
kimichezo kimewafanya wawe kivutio kikubwa cha warembo duniani kote.
Mademu wakali wamekuwa
wakihaha kusaka nafasi ya kuonja penzi la nyota hao kutokana na mvuto walionao.Kwa hapa Bongo, msanii wa Bongo
Fleva, Diamond, ndiye anajulikana kama asali ya warembo, kutokana na wasichana
wengi kumpapatikia.Lakini kwa upande wa
ng’ambo, wanasoka wamekuwa wakiongoza kuwanasa warembo na wafuatao ni nyota 10
wenye mvuto zaidi.
10. Wesley Sneijder
Wesley Sneijder ni nyota wa
Uholanzi, anayekipiga Galatasaray. Kiukweli ni mchezaji mwenye kipaji na zaidi
kutokana na uwezo wake wa kutumia miguu yake yote miwili.
Nyota huyo naye yumo katika
orodha ya wachezaji wenye mvuto kwa warembo.
9. Lionel Messi
Nyota huyo ambaye amenyakua
tuzo ya uchezaji bora mara nne, kutokana na kipaji chake cha hali ya juu na
yeye yumo katika orodha ya wachezaji wenye mvuto.
Ingawa hana tabia ya
kuranda na warembo na haonekani kuwa na muonekano mzuri, lakini kiwango chake
kimekuwa kikiwashawishi warembo watake kumnasa.
8. Xabi Alonso
Akiwa na urefu wa miguu
sita, na yeye ni kati ya wanasoka 10 ambao ni asali ya warembo.
Alonso, aliyetokea eneo la Basque
nchini Hispania, anajulikana kwa uwezo wake wa kupiga pasi za ufundi na pia
amekuwa akitunza muonekano wake na kuwateka warembo kibao.
7. Mario Gomez
Nyota wa Ujerumani, Mario
Gomez, anayekipiga Fiorentina, pamoja na uwezo wake wa kupasia nyavu, pia ni asali
ya warembo.
Gomez siyo tu ana sifa ya
kupachika mabao na kuwa kivutio cha mademu, bali pia amekuwa akijishughulisha
na masuala ya kijamii.
Amewahi kuzungumzia mapenzi
ya jinsia moja na kuwahamasisha wachezaji mashoga kujieleza ili wajisike huru
kutandaza soka.
6. Theo Walcott
Mara nyingi amekuwa
hahesabiwi sana katika wanasoka wenye mvuto kwa wasichana, lakini ukiangalia sura
yake utagundua kuwa anastahili kuwemo kwenye orodha hii.
Walcott ni mvulana mtulivu
anayejiheshimu, labda ndiyo maana amekuwa hahusishwi katika orodha ya wanasoka
wenye mvuto.
Winga huyo wa Arsenal,
ambaye juzi aliifungia timu hiyo bao la kwanza kwenye ushindi wa mabao 2-1
dhidi ya Marseille wakati wa Ligi ya Mabingwa, Juni mwaka huu alimuona rafiki
wake wa siku nyingi, Melanie Slade.
5. David Beckham
Pamoja na kustaafu soka,
lakini David Beckham atabakia kuwa kivutio cha warembo miaka yote kwenye mchezo
huo.
Huenda kama si ulinzi mkali
kutoka kwa mke wake, Victoria, angeendelea kuwa kicheche, kutokana na warembo
wengi wamekuwa wakisaka penzi la nyota huyo wa England.
4. Iker Casillas
Iker Casillas ni mmoja wa
walinda milango walioanza kukaa langoni wakiwa wadogo na kufanya vizuri kazi
yake.
Muonekano wake na kile
anachofanya akiwa langoni, kimekuwa kishawishi kikubwa kwa warembo.
3. Mesut Ozil
Macho yake ni mvuto tosha kwa warembo, huhitaji
kuangalia muonekano wake na mwendo wake.
Ozil, ambaye amesajiliwa na
Arsenal msimu huu na kuvunja rekodi ya kununuliwa kwa pauni milioni 42.5.
Nyota huyo wa Ujerumani,
amefanikiwa kuwateka warembo kama Anna-Maria Lagerblom na mpenzi wake wa sasa, Mandy
Capristo, ambaye ni mwanamitindo na mwimbaji wa Ujerumani.
2. Ricardo Kaka
Nyota aliyerejea kwenye
klabu yake ya AC Milan, Ricardo Kaka, ana muonekano wa ‘kimodo’ na sura ya
kitoto inayowateka warembo wengi.
Kama si tabia yake ya
kupenda dini, basi angekuwa ana lori lililojaa warembo kutokana na muonekano
wake na mwili wake ulivyo.
1. Cristiano Ronaldo
Huyu ndiye funga kazi. Ana muonekano
mzuri na mwili wenye misuli iliyojazia na kuwavutia warembo wengi.
Tabia yake ya ukicheche,
imewafanya wasichana wanase penzi lake kwa urahisi, ingawa amekuwa akichagua
wasichana wenye viwango na maarufu kama akina Kim Kardashian, Paris Hilton, Maria
Sharapova na Raffaella Fico, ambaye alikuwa ‘demu’ wa Mario Balotelli.
Wengine aliotembea nao ni
akina Jordana Jardel, Karina Ferro, Daniele Aguiar, Isabel Figueir, Diana
Chaves, Nuria Bermudez,
No comments:
Post a Comment