MASHINDANO YA AIRTEL RISING STARS YAZINDULIWA LEO DAR ES SALAAM

Mkurugenzi wa Michezo wa Wizara ya Habari, Vijana Utamaduni na Michezo, Leonard Tadeo (wa pili toka kushoto) akiwa ameshika mpira ikiwa na ishara ya ufunguzi wa mashindano ya vijana ya Airtel Rising Stars yanatarajia kuanza kutimua vumbi June mwaka huu (wa kwanza kushoto) ni Mkurugenzi wa Mawasiliano wa Kampuni ya Airtel Tanzania, Beatrice Singano, (katikati) Makamu wa pili wa Shirikisho la Soka nchini (TFF) Ramadhan Nasibu, (wa pili toka kulia) Mkurungezi wa Ufundi TFF, Sunday Kayuni na (mwisho kulia) ni Mwenyekiti wa Chama cha Soka Mkoa wa Dar es Salaam, (DRFA) Almas Kasongo

Mkurugenzi wa Mawasiliano wa Kampuni ya Airtel Tanzania, Beatrice Singano, akiongea na waandishi

Mkurugenzi wa Michezo wa Wizara ya Habari, Vijana Utamaduni na Michezo, Leonard Tadeo (wa pili toka kushoto) akiwa ameshika mpira ikiwa na ishara ya ufunguzi wa mashindano ya vijana ya Airtel Rising Stars yanatarajia kuanza kutimua vumbi June mwaka huu

Hapa wakuu wanateta jambo

Timu ya Airtel Rising Stars ikiwa na uongozi wa soka pamoja na Kampuni ya Airtel

Timu ya Airtel Rising stars iliyopita

Waandishi wa habari

MASHINDANO ya vijana ya Airtel Rising Stars yanatarajia kuanza kutimua vumbi June mwaka huu katika viwanja tofauti.

Mashindano hayo ambayo ni msimu wa tatu kufanyika nchini yana lengo la kukuza vipaji vya vijana.

Akizungumza jijini, Katibu Mkuu wa Chama cha Mpira wa Miguu Mkoa wa Dar es Salaam (DRFA) Msanifu Kondo alisema kuwa michuano ya mwaka huu yatashirikisha mikoa sita nchini.

Aliitaja mikoa hiyo kuwa ni Mbeya, Morogoro, Mwanza, Ilala, Temeke na Kinondoni ambapo watashiriki wanaume tu.

Alisema kuwa mikoa ya Tanga, Geita na Ruvuma itashirikisha wanawake ambao itakuwa kwa mara ya kwanza kushiriki.

“Tumepania kuboresha mashindano ya mwaka huu ndio mana kuna mikoa mpya ambayo imeongezwa ila kupata vipaji vipya,”alisema.

Nae Mkurugenzi wa Mawasiliano wa Kampuni ya Airtel Tanzania, Beatrice Singano  alisema kuwa kwa mwaka huu wameungana na kampuni ya Sumsung ila kuboresha michuano hiyo.

“Watu wajiandae na wakae tayari kwa ajili ya changamoto na kuinua vipaji vya mchezo huu nchini,”alisema

Wakati huo huo,  Mkurugenzi wa Michezo wa Wizara ya Habari, Vijana Utamaduni na Michezo, Leonard Tadeo aliitaka kampuni hiyo kuanzisha klinki maalum itakayoweza kuboresha vipaji vya vijana nchini.