PAZIA LA LIGI DARAJA LA KWANZA LAFUNGWA JANA RASMI, ASHANTI, MBEYA CITY NA RHINO ZAFUZU LIGI KUU NA MORO UNITED, MORANI NA KIJIWENI YA RUKWA ZASHUKA DARAJA

Picha zote za mechi ya Ashanti na Moro United

PAZIA la ligi daraja la kwanza limefungwa rasmi jana kwa michezo nane kuchezwa kwenye viwanja tofauti nchini.

Michezo hiyo ilikuwa ni kukamilisha ratiba kutokana na kwamba timu za Ashanti United, Mbeya City na Rhino Rangers zilikuwa tayari zimeshakata tiketi ya kucheza ligi Kuu msimu ujao kwa kujikusanyia pointi ambazo zisingefikiwa na timu nyingine kwenye makundi yao.

Kwenye Kundi A, Majimmaji ikiwa nyumbani Uwanja wa Majimaji ilijikuta ikifungwa bao 1-0 na Mbeya City, JKT Mlale wakiwa ugenini waliifunga Burkina Faso mabao 4-2, mchezo uliochezwa uwanja wa Jamhuri mjini Morogoro na Kurugenzi wakiwa nyumnani waliifunga  Mkamba FC mabao 4-0 mchezo uliochezwa Mufindi.

Kundi B, Ashanti walitoka suluhu na vibonde walioshuka daraja Moro United kwenye uwanja wa Karume jijini Dar es Salaam na Transist Camp na Tesema walitoka sare ya 0-0 kwenye uwanja wa Mabatini, Pwani.

Kundi C, Rhino Rangers walimaza kwa kishindo baada ya kuishusha daraja Morani FC kwa kuifunga mabao  3-0, mchezo uliochezwa uwanja wa Ally Hassan mwinyi Tabora, wafungaji ni Victor Hagaya dakika ya 34 na Abdallah Simba dakika ya 52 na 71.

Polisi Mara walinusurika kushuka baada ya kuifunga JKT Kanembwa mabao 2-0, mchezo uliochezwa uwanja wa Karume mkoani Mara na Mwadui waliifunga Polisi Dodoma mabao 2-1 kwenye uwanja wa Jamhuri mjini Dodoma.

Timu za Kijiweni ya Rukwa ambayo ilikuwa kundi A, Moro United ya kundi B na Morani FC ya kundi C zimeshuka daraja, hivy mshimu ujao zitacheza ligi daraja la pili