MSHAMBULIAJI wa Kimataifa wa
Tanzania, Mbwana Samatta ameiwezesha timu yake ya TP Mazembe kufuzu hatua ya
tatu ya Ligi ya Mbingwa barani Afrika baada ya kuifunga Mochudi Centre Chiefs
ya Botswana mabao 7-0.
Kwenye mchezo wa jana uliochezwa
uwanja wa Stade de TP Mazembe mjini Lubumbashi iliibuka na ushindi wa mabao 6-0
na ugenini waliifunga bao 1-0, lililotiwa kimiani na Mbwana Samatta.
Kwenye mchezo wa juzi Samatta ambaye
pia ni mshambualiaji wa Timu ya Taifa ‘Taifa Stars alifunga bao kipindi cha
pili dakika ya 75 huku mabao mengine yakifungwa na Rainford Kalaba dakika ya sita
na 35, Tresor Mputu dakika ya 15 na 80 na msumari wa mwisho ulipigiliwa na Eric
Nkulukuta dakika ya 90.
TP Mazembe kwenye mchezo ujao
watacheza na Orlando Pirates ya Afrika
ya Kusini ambayo imeisukuma nje Zanaco ya Zambia baada ya kuifunga mabao
3-1ambapo ugenini ilishinda 1-0 na nyumbani juzi ilishinda 2-1.
Mbwana Samatta na Thomas Ulimwengu
licha ya kuwa tegemeo kwa timu yao ya TP Mazembe pia nchi yao inawategemea
katika kampeni za kufuzu kwenda Brazili 2014, Kombe la Dunia.
No comments:
Post a Comment