TAMASHA LA 34 LA SANAA KUFANYIKA SEPTEMBA 21-27 BAGAMOYO

  Mwenyekiti wa Tamasha la Kimataifa la Sanaa na Utamaduni Bagamoyo, John Mponda (katikati), akizungumza katika mkutano na waandishi wa habari Dar es Salaam leo, kuhusu tamasha hilo litakalofanyika kwa mara ya 34 kuanzia tarehe 21-27 Septemba katika ukumbi na viunga vya Taasisi ya Sanaa na Utamaduni Bagamoyo ambao ndio wenyeji na waandaaji wa tamasha hilo kongwe Tanzania. Kulia ni Mwenyekiti wa Kamati ya Maonyesho ya tamasha hilo, Christa Komba na kushoto ni Mwenyekiti wa Kamati ya Ufundi na Majukwaa, Frank Sika.

TAMASHA la kimataifa la sanaa na utamaduni Bagamoyo linatarajiwa kufanyika kwa mara ya 34 kuanzia Septemba 21-27, katika ukumbi waTaasisi ya Sanaa na Utamaduni Bagamoyo ambao ndio wenyeji na waandaaji wa tamasha hilo kongwe Tanzania

Akizungumza jijini jana, Mwenyekiti wa Tamasha hilo, John Mponda  Lengo tamasha hilo liliasisiwa mwaka 1981 na Chuo cha Sanaa, Bagamoyo ambacho kwa sasa ni Taasisi ya Sanaa na Utamaduni Bagamoyo ni kuwapa nafasi wanafunzi wa chuo cha sanaa kuonyesha kwa vitendo yale waliojifunza kwa mwaka mzima kwa kuwashirikisha wakazi wa Bagamoyo.

“Tamasha lina lengo la kuwapa nafasi wanafunzi wa chuo cha sanaa kuonyesha kwa vitendo yale waliojifunza wakati wakiwa chuoni kwa kuwashirikisha wakazi wa Bagamoyo na limebeba kauli mbiu inayosema ‘SANAA NA UTAMADUNI KATIKA UCHAGUZI HURU NA WA AMANI’”, alisema Mponda. 

Pia alisema Vikundi mbalimbali vya ndani na nje ya nchi zitashiriki ili kubadilishana Uzoefu pia litahusisha Ngoma za Asili, Maigizo, Sarakasi, Mazingaombwe, Muziki wa kisasa na asili, Sanaa za Ufundi  na bidhaa mbalimbali.

Mponda alisema kutatolewa mada ndogondogo kupitia kongamano na warsha zitakazohusu  Haki za binadamu, Rushwa na kupinga Mauaji ya watu wenye ulemavu wa ngozi (Albino)

Jumla ya vikundi 48 kutoka ndani na nje ya Tanzania vimethibitisha kushiriki,ambapo vikundi 43 ni kutoka ndani ya Tanzania na vikundi 5 kutoka nchi za Kenya, Namibia, Afrika Kusini, Korea na Congo.

Mponda alimaliza kwa kuomba udhamini kwa wadau mbalimbali wa sanaa, makampuni,Taasisi za serikali na zisizo za serikali kujitokeza kudhamini tamasha hili muhimu kwa mustakabali wa sanaa na utamaduni wa Mtanzania.