RONALDO, MESSI NA SUAREZ WATEULIWA KUGOMBEA TUZO YA MCHEZAJI BORA ULAYA 2014/15

WACHEZAJI wawili wa Barcelona Lionel Messi na Luis Suárez pamoja na Staa wa Real Madrid, Cristiano Ronaldo, ambae kwa sasa ndie Mchezaji Bora Duniani, ndio Wateule Watatu wa kugombea Tuzo ya UEFA ya Mchezaji Bora Ulaya kwa 2014/15.
Mshindi wa Tuzo hii atatangazwa Agosti 27 huko Monaco, France wakati wa Droo ya kupanga Makundi ya UEFA CHAMPIONS LIGI.
Mastaa hao Watatu ndio waliibuka kidedea kutoka Kura zilizopigwa na Waandishi wa Habari kutoka kila Nchi 54 ambazo ni Wanachama wa UEFA.
Awali Waandishi hao walipiga Kura kwa kutoa Listi ya Wachezaji Watano Bora kila mmoja wao ambapo wale waliopata Pointi za juu ndio walitinga Listi ya 10 Bora ambayo Leo ndio imezaa hawa Watatu Bora.
Katika kumpata Mchezaji Bora wa Ulaya hapo Agosti 27 Kura nyingine zitapigwa.
Washindi waliopita wa Tuzo hii ni Lionel Messi (2011), Andrés Iniesta (2012), Franck Ribéry (2013) na Ronaldo (2014).
 KUHUSU  WACHEZAJI HAO - TATU BORA:
Cristiano Ronaldo (Portugal – Real Madrid)
-Ndie Mfungaji Bora wa La Liga Msimu uliopita kwa kupachika Mabao 48 na pia kufungana na Messi na Neymar katika Ufungaji Bora wa UEFA CHAMPIONS LIGI.
-Alipachika Jumla ya Mabao 61 katika Mashindano yote akiwa na Real Madrid na hivyo kumpita Lejendari Alfredo Di Stéfano na kushika Nafasi ya Pili ya Ufiungaji Bora katika Historia ya Real.
-Alipiga Ba0 5 katika Mechi moja hapo Aprili 5 Real ilipoibonda Granada Bao 9-1.
-Alimaliza Msimu kwa kupiga Hetitriki 3 mfululizo dhidi ya Espanyol, Getafe na Armenia. Lionel Messi (Argentina – Barcelona)
-Alivunja Rekodi ya Telmo Zarra ya Bao 251 za La Liga na pia kuifungia Barcelona Mabao 58 katika Mashindano yote na kuiwezesha kutwaa Trebo, yaani kutwaa Ubingwa wa La Liga, Copa del Rey na UEFA CHAMPIONS LIGI.
-Kwenye UEFA CHAMPIONS LIGI alifunga Bao 10 na kufungana na Ronaldo na Neymar kama Wafungaji Bora wa 2014/15.
-Amefungana na Ronaldo wakiwa na Mabao 77 ya UEFA CHAMPIONS LIGI na ana Mabao 80 katika Mashindano yote ya Klabu ya UEFA yakiwemo Mawili aliyofunga kwenye UEFA Super Cup Jumatatu Usiku dhidi ya Sevilla. 

Luis Suárez (Uruguay – Barcelona)
-Alifunga Bao 2 katika Raundi ya Mtoano ya Timu 16 ya UEFA CHAMPIONS LIGI walipoibwaga Manchester City.
-Ni mmoja wa Mastraika Watatu wa Barcelona waliopiga Jumla ya Mabao 122 Msimu uliopita pamoja na Neymar na Messi.