Washindi wa tuzo za Watu 2015, hawa hapa

Pichani wakati wa tuzo za watu ilivyokuwa baada ya washindi kukabidhiwa  tuzo zao..

Hatimaye usiku wa Mei 22 Tanzania iliandika historia nyingine kwa kushuhudia utoaji wa tuzo maalum zijulikanazo kama TUZO ZA WATU 2015, zilizofanyika jijini Dar es Salaam.

Washindi hao  ni katika vipengele 13 vya mwaka huu. Majina hayo ya washindi yaliingia baada ya kuvuka michujo miwili migumu. Ni kura za mashabiki peke yake ndio ziliwaingiza kwenye fainali hiyo na mshindi aliweza kupatikana kwa kura za wananchi , kama alivyonukuliwa  mwenyekiti  Mtendaji wa Bongo5 Music Group, Luca Neghesti.

Washndi wa tuzo hizo za watu 2015 ni:

Mtangazaji wa redio anayependwa- D’Jaro Arungu – TBC FM.

Kipindi cha redio kinachopendwa- Papaso – TBC FM.

Mtangazaji wa runinga anayependwa– Salim Kikeke (BBC Swahili)

Kipindi cha runinga kinachopendwa- Mkasi (EATV)

Blog/Website inayopendwa- millardayo.com

Muongozaji wa video anayependwa- Hanscana

Muongozaji wa filamu anayependwa- Vincent ‘Ray’ Kigosi

Muigizaji wa kike wa filamu anayependwa- Wema Sepetu

Muigizaji wa kiume wa filamu anayependwa- Hemedy PHD

Mwanamuziki wa kike anayependwa- Lady Jaydee

Mwanamuziki wa kiume anayependwa- Ali Kiba

Filamu inayopendwa- Kigodoro

Video ya muziki inayopendwa- ‘Nani kama Mama’– Christian Bella Feat. Ommy Dimpoz

Baadhi ya washindi wakiwa na tuzo zao, kutoka kushoto ni Msanii bora wa kike, Lady Jaydee akifuatiwa naa Ommy Dimpoz. anayefuata ni dada wa mwanamuziki Ali Kiba aliyempokelea tuzo kwa niaba yake akifautiwa na Millard Ayo.

mwenyekiti  Mtendaji wa Bongo5 Music Group, Luca Neghesti ambao ndio waandaji wa tuzo hizo akielezea machache kwenye redcarpet juu  ya tuzo hizo na kituo cha About Bongo.com ambao ni Online TV.

‘crew friends’ marafiki KN na NS wakiwa pamoja na marafiki zao katika redcarpet katika tukio la utoaji wa tuzo za watu 2015

Mtangazaji wa  radio ya Taifa ya TBC FM, Djaro Alungu ambaye aliibuka na tuzo mbili kwa mwaka huu na kuvunja rekodi ya aliyekuwa mtangazaji mwenzake, Millard Ayo,  akiwa na tuzo zake pamoja na crew yake.

Mtangazaji wa BBC SWAHILI, wa Dira ya Dunia, Salm Kikeke akitoa nasaha kwa waliofika wakati wa kupokea tuzo yake hiyo,

Mwanamuziki Ommy Dimpoz akiwa katika pozi na Andrew Chale, Mwandishi Mwandamizi wa Mtandao huu wa Modewjiblog.com muda mfupi baada ya kupokea tuzo yake.

Baadhi  ya warembo waliopamba usiku huo wa tuzo za watu 2015 chini ya usimamizi wa Ally Rehmtullah (katikati) wakiwa katika pozi..