YANGA WAFANYA MAZOEZI JIJINI MBEYA, TAYARI KWA KUZIWINDA PRISONS, MBEYA CITY

KIKOSI cha Yanga tayari kimeanza kujifua jijini Mbeya kujiandaa na mechi ya kiporo ya ligi kuu soka Tanzania bara itayopigwa uwanja wa Sokoine Mbeya dhidi ya wenyeji Tanzania Prisons.

Wanajangwani wanaoshika nafasi ya pili katika msimamo wa ligi wakijikusanyia pointi 25 sawa na mabingwa watetezi Azam fc, lakini wakizidiwa magoli ya kufunga na kufungwa wamejificha pembeni ya jiji la Mbeya, mji mdogo wa Mbalizi na mazoezi yao yanafanyika uwanja wa Jeshi la wananchi Tanzania.


Baada ya mechi ya alhamisi, jumapili, Yanga watashuka dimbani kucheza mechi nyingine ya kiporo dhidi ya Mbeya City fc uwanja wa Sokoine.

Picha kwa hisani ya kalumbimbi blog