STEPHEN CURRY WA NBA ALIPOFANYA KLINIKI YA KIKAPU DAR ES SALAAM

MCHEZAJI wa kikapu wa timu ya Golden State Warriors ya  nchini Marekani  juzi alifanya kliniki ya mchezo huo iliyofanyika kwenye Viwanja vya Don Bosco, Dar es Salaam.

Curry ambaye timu yake inashiriki Ligi ya NBA pia aligawa vyandarua 100 kwa kila mchezaji  ikiwa ni mchango wake kwa watoto wan chi za ukanda wa Afrika.

Akizungumza na LENZI YA MICHEZO, Stephen Curry alisema kila pointi tatu anazofunga kwenye mchezo huo ni vyandarua vitatu anavyochangia.

“Kila pointi tatu ninazofunga kwenye NBA zinachangia vyandarua vitatu hivyo nafanya ziara barani Afrika kufanya kliniki na kugawa hivyo vyandarua kwa vijana wanaocheza mchezo huu”, alisema Curry.

Naye Makamu Mwenyekiti wa BFT, Phares Magesa alisema wanashukuru kwa mafunzo haya kwani yanasaidia kuibua vipaji vvya mchezo huo ila uhaba vya viwanja ni changamoto kubwa.

“Tunashukuru kutembelewa na wachezaji wakubwa wanaocheza NBA kwani wachezaji wenye vipaji wanapata nafasi ya kwenda kufanya majaribio NBA na mwaka huu wanakwenda 13 kufanya majaribio ambapo wengine wanapata nafasi za kucheza kwenye vyuo nchini Marekani”, alisema Magesa.

Curry ni mfungaji  bora wa timu yake kwa msimu uliopita pia kwa upande wa NBA alikuwa miongoni wa wafungaji bora watano.

Mchezaji wa mchezo wa kikapu wa Ligi ya NBA, timu ya Golden State Warriours, Stephen Carrey akifanya mazoezi kwenye kliniki ya mchezo huo iliyofanyika jana kwenye Uwanja wa Don Bosco, Dar es Salaam.