Man City yampa raha Pep Guardiola akifikisha mechi ya 1000

Ilikuwa siku kuu na ya kihistoria kwa Pep Guardiola katika kila hali. Ilikuwa ni mechi yake ya 1,000 kama meneja na timu yake Man City ilimzawadia kwa maonyesho ya kipekee dhidi ya mmoja wa wapinzani wao wakubwa, Liverpool.

Bao la kwanza la Erling Haaland lilimfanya bosi wake afurahie sana. Lilikuwa bao kamilifu la Guardiola, likijengwa kuanzia karibu na bendera yao ya kona. Kila mchezaji wa uwanjani aligusa mpira; waliushikilia kwa muda ambao kwa shabiki wa Liverpool ulionekana kama milele kabla ya kichwa cha Haaland hatimaye kumwacha kipa Giorgi Mamardashvili hana cha kufanya.

Ujenzi huo wa pasi za karibu ulikuwa mfano halisi wa mechi hiyo. Ilibadilika na kuwa kama drill ya mazoezi ya nondo iliyonyooshwa, ambapo kiungo cha Liverpool kilionekana kana kwamba kilizidiwa idadi ya wachezaji wawili kwa mmoja.