AZAM FEDERATION CUP KUANZA KUTIMUA VUMBI OKTOBA 30

Michuano ya Kombe la Shirikisho la Azam ‘Azam Sports Federation Cup ‘(ASFC), imezinduliwa rasmi leo  kwa droo maalumu kwa timu zitakazofungua dimba kwa mzunguko wa awali.

Akizungumza Mkurugenzi wa Ufundi wa TFF, Salum Madadi alisema ligi hiyo itashirikisha timu 91 na itaanzia hatua ya awali kabla ya kuja kwa raundi ya kwanza.

“Azam federation Cup itashirikisha timu 91  ambapo timu 16 ni za Ligi Kuu, 24 za Ligi Daraja la Kwanza, 24 za Ligi Daraja la Pili na 27 za Ligi ya Mabingwa wa Mkoa ,” alisema Madadi.

Hatua ya awali itashirikisha kundi la timu 27 za mabingwa wa mikoa timu sita zitakazocheza mechi tatu na baada ya wachezaji watatu wa zamani wa timu ya taifa Abeid Mziba , Boniface Pawasa na Salum Sued kuchagua vitufe sita kupata timu hizo.

Timu zilizopatikana katika droo hiyo hatua ya awali Buselesele ya Geita itayocheza na Green FC ya Songwe, Kisarawe United ya Pwani itacheza na Silabu ya Mtwara wakati Usamala ya Simiyu itacheza na Sahale All Stars ya Tanga kati ya Oktoba 31, Novemba Mosi au mbili.

Raundi ya Kwanza itaanza Novemba 7, 8 au 9 na timu zilizochaguliwa kwenye droo hiyo ni Mashujaa ya Kigoma itacheza na Mshindi kati ya Buselesele ya Geita na Green FC ya Songwe, wakati mechi nyingine zitakuwa Msange ya Tabora itacheza na Milambo pia ya Tabora na Bulyanhulu ya Shinyanga itacheza na Area C ya Dodoma.

Mji Mkuu FC ya Dodoma imeangukia kwa Nyundo ya Kigoma wakati Baruti FC ya Mara itacheza na Ambassodor ya Kahama, Shinyanga huku Eleven Stars ya Kagera ikipangwa kucheza na Ndovu ya Mwanza.

Changanyikeni ya Dar es Salaam itacheza na Reha FC pia ya Dar es Salaam wakati Mshindi kati ya Kisarawe United na Silabu ya Mtwara atacheza na Kariakoo ya Lindi huku Cosmopolitan ikicheza na Ajabalo wakati Makumba FC itapambana na Green Warriors ya Kinondoni wakati Namungo FC ya Lindi itachuana na Villa Squad ya Dar es Salaam huku Dar City ikicheza na Majimaji Rangers ua Nachingwea.

Michezo mingine ya hatua ya kwanza itakutanisha timu za Shupavu FC ya Morogoro na Sabasaba pia ya mjini humo wakati Motochini FC ya Katavi dhidi ya Ihefu FC ya Mbeya wakati The Mighty Elephant ya itacheza na Makanyagio ya Rukwa.

Timu ya Burkina FC ya Morogoro itacheza na Mbinga United ya Ruvuma wakati Makambako Heroes ya Njombe  itacheza na Mkamba Rangers ya Morogoro wakati Real Moja Moja itapambana na African Wonderers – zote za Iringa. Boma FC ya Mbeya itacheza na African Sports ya Tanga.

Mechi nyingine za hatua hiyo itakuwa ni kati ya Pepsi ya Arusha ambayo itacheza na Kilimanjaro Heroes ya Kilimanjaro; huku Stand Misuna ya Singida itacheza na Madini FC ya Arusha ilihali AFC ya Arusha itacheza na Nyanza ya Manyara wakati New Generation itacheza na Mshindi kati ya Usamala FC na Sahale ya Tanga. Bodaboda FC itacheza na Kitayose ya Kilimanjaro.