YANGA YAMLETA BOSSOU KUZIBA PENGO LA ZUTTAH

KATIKA kuzipa pengo la beki Mghana, Joseph Zuttah ‘Teteh’Yanga imemsajili beki wa kati Vicncent Bossou ambaye pia ni mchezaji wa timu ya taifa ya Togo.

Tayari Bossou yuko nchini na inaonekana lazima atajiunga na Yanga ambayo inataka kuimarisha safu ya ulinzi ambayo ilionekana imepwaya wakati ikishiriki mashindano ya Kagame na kuondolewa kwenye hatua ya robo fainali.

Beki huyo alianza soka lake kwenye klabu ya Maranatha FC mwaka 2006 na kudumu kwenye klabu hiyo mpaka mwaka 2009 akicheza jumla ya mechi 77 na kuifungia klabu hiyo magoli matano.

Alijiunga na klabu ya Etoile Sportive du Sahel, Januari 2010 kwa mkataba wa miaka miwili lakini mkataba wake ukavunjwa baada ya miezi mitatu baadae akiwa ameichezea klabu hiyo mechi tatu tu, na karudi tena Maranatha FC Machi 18, 2010.

Mei 2011 alijiunga na klabu ya Navibank Saigon F.C ya Vietnam ambapo alicheza mechi 35 na kufanikiwa kufunga mabao matatu na kwa sasa alikuwa na mkataba na klabu ya Govang Hi FC ya Korea Kusini.

Pia Bossou alikuwepo kwenye kikosi cha Togo ambacho kilijitoa kushiriki michuano ya Mataifa ya Afrika 2010 baada ya basi la timu hiyo kushambuliwa na watu wanaosadikiwa kuwa ni magaidi wakati waelekea nchini Angola ambako ndipo mahindano yalikuwa yafanyik.

Ameshaichezea timu ya taifa ya Togo kwenye michezo 25, hajafanikiwa kufunga goli hata moja kwa mechi zote alizocheza.

Vincent Bossou alizaliwa Februari 7, 1986 kwenye mji wa Kara, Togo ana urefu mita 1.86 sawa na futi 6 na inchi moja.

Yanga wamemsajili beki huyo kwa ajili ya kuiongezea nguvu safu yao ya ulinzi ambayo kwa muda mrefu imekuwa ikitumikiwa na mabeki wawili Nadir Haroub ‘Canavaro’ na Kelvin Yondani ambao ubora wao unapungua kutokana na kucheza mechi nyingi bila kupumzika.

Ikumbukwe kuwa Yanga wataiwakilisha Tanzania kwenye michuano ya Kombe la Klabu Bingwa Afrika hivyo wanahitaji kuwa na wachezaji wenye ubora wa kupambana kwenye michuano hiyo.

Wakati Bossou anachukua nafasi ya Teteh, kiungo Mzimbabwe, Thaban Kamusoko yeye anajiunga na Yanga na kuchukua nafasi ya Kpah Sherman.

Sherman tayari amejiunga na kikosi cha Mpumalanga Black Aces cha nchini Afrika Kusini.

Bottom of Form

Top of Form

Bottom of Form