KIPIGO CHA ARSENAL CHA BAO 1-0 KUTOKA SWANSEA EMIRATES CHAWACHEFUA!! SASA WAWAPA ANGALIZO MAN UNITED OLD TRAFFORD JUMAPILI!

Gomis alivyofunga bao la pekee janaKlabu 3 za England zinazomaliza Nafasi 3 za Juu za Ligi Kuu England huanza hatua ya Makundi ya UEFA CHAMPIONS LIGI lakini ile itakayomaliza Nafasi ya 4 huanza hatua Mchujo ya Mashindano hayo.
Hadi sasa upo uhakika mkubwa wa England kuwakilishwa kwenye UEFA CHAMPIONS LIGI na Mabingwa Chelsea, Timu ya Pili Man City, Timu ya 3 Arsenal na Timu ya 4 Man United.
WAkati Chelsea tayari wameshaichukua Nambari Wani, Mshindi wa Pili hadi wa 4 wa Ligi bado hajathibitika ingawa Man City na Arsenal zina uhakika mkubwa wa kutwaa Nafasi za Pili na za Tatu ukulinganisha na Man United kutokana na wingi wao wa Pointi.
Hata hivyo, Arsenal Jumapili watakuwa Wageni Old Trafford kuivaa Man United na ushindi kwao ni muhimu kujichimbia Nafasi 3 za juu ili kukwepa kuanzia Mechi za Mchujo za UEFA CHAMPIONS LIGI.
Lakini, kwenye Ligi, Arsenal hawajawahi kushinda Old Trafford tangu Septemba 2006 ingawa mapema Mwaka huu waliifunga Man United 1-0 kwenye FA CUP.
Man United ndio walioshinda huko Emirates 2-1 katika Mechi ya kwanza kati yao ya Ligi Msimu huu.
Timu ya England itakayomaliza Nafasi ya 4 itaanza hatua ya Raundi ya Mwisho ya Mechi za Mchujo ya UEFA CHAMPIONS LIGI kabla Makundi kuanza na Droo ya Raundi hiyo itafanyika Agosti 7 wakati Mechi za Kwanza za Raundi hiyo zitachezwa Agosti 18 na 19 na marudiano ni Agosti 25 na 26.