ASIA IDAROUS ANDAA USIKU WA MWANAMKE KUSHEREHEKEA SIKUKUU YA WANAWAKE DUNIANI KESHO

KATIKA kuadhimisha siku ya Wanawake Duniani, Asia Idarous ameandaa ‘Usiku wa Mwanamke’ utakaofanyika kesho ndani ya ukumbi wa Safari Carnival uliopo Mikocheni B, Jijini Dar es Salaam.

Akizungumza jijini Mtendaji Mkuu wa Fabak Fashins, Asia Idarous Khamsin aliwaomba Wanawake kujitokeza kwa wingi usiku huo maalum kwani ni usiku wao na utakuwa na mambo mbalimbali ikiwemo burudani ya taarabu kutoka kwa bendi ya Gusa Gusa

“ Nawakaribisha wanawake wote ndani ya Safari Carnival tusheherekee siku yetu huku tukiwa tumevalia kiafrika zaidi lakini pia wanaume wanatakiwa waje kuungana nasi”, alisema Asia.

Pia alisema kiingilio ni 10,000/= na kutakuwepo na zulia jekundu kwa ajili ya picha za kumbukumbu litakalopambwa na wabunifu na wanamitindo mbalimbali.

Pia alisema kutakuwepo waimbaji nguli wa taarabu, Sabaha Muchacho,  Afua Suleiman  na Shakila ambao wanatarajiwa kutoa burudani ambayo itanogesha siku ya wanawake

Siku ya Wanawake Duniani huadhimishwa kila mwaka Machi 8 ambapo mwaka huu ujumbe unasema ‘Uwezeshaji wanawake, Tekeleza wakati ni huu’