ALVES AMTAKA NEYMAR BARCELONA

Mlinzi wa kimataifa wa Brazil na Barcelona Dani Alves amemtaka mshambuliaji wa Santos na timu ya taifa ya Brazil kujiunga naye katika timu yake ya Barcelona wakati huu ambapo kuna tetesi kuwa kigogo hicho cha Hispania kinatengeneza mazingira mazuri ya kujenga hatma njema ya baadaye ya kinda huyo.

Neymar amekuwa mchezaji bora kwa miaka miwili mfululizo wa bara la Amerika Kusini.

Alves alishindwa kuficha juu ya hisia zake katika jaribio lake la kuendelea kumshawishi Neymar mwenye umri wa miaka 20 kujiunga Nou Camp.

Lakini wakati tetesi nyingine juu ya mshambuliaji huyo kutaka kuelekea Ulaya baada ya michuano ya kombe la dunia mwakani na kujiunga na Manchester City au Bayern Munich kama ilivyokuwa inaarifiwa , Alves anasema atahakikisha mipango hiyo inashindwa.