YANGA KUACHANA NA MBRAZIL COUTINHO

Kiungo Andrey Coutinho yuko jijini Dar es Salaam, lakini uongozi wa Yanga, umepitisha uamuzi wa kumtema. Uamuzi wa Yanga umepitishwa baada ya majadiliano kati ya uongozi na benchi la ufundi kukubaliana. Habari zinaeleza Yanga iko katika hatua za kufikia makubaliano na Coutinho ili kuvunja mkataba wake. Kocha Hans van der Pluijm ameridhia kuachana na Coutinho kwa kuwa amekuwa hana msaada wa kutosha. Lakini Yanga kwa sasa inafanya mchakato huo, kama pande mbili zitashindwa kufikia mwafaka, basi raia huyo wa Brazil ataendelea kubaki Yanga hadi mkataba wake utakapokwisha.