ASHANTI UNITED KURUDI LIGI KUU MSIMU HUU

UONGOZI wa klabu ya Ashanti United, umesema umejipanga kuhakikisha timu yao inarejea kwenye ligi Kuu Tanzania Bara, msimu huu.

Akizungumza jijini Msemaji wa Ashanti, Marijani Rajab alisema wamefanya usajili mzuri ambao utaleta upinzani mkali uwanjani japo kuna nafasi kandaa za kuziba.

“Timu imeshaanza mazoezi chini ya kocha Maalimu Salehe na tumefanya usajili wa uhakika kutokana na mahitaji ya kocha lakini kuna nafasi mbili ambazo zina mapungufu ambazo tunatarajia kuzifanyia kazi mapema”, alisema Marijani.

Pia aliwataka wanachama na wapenzi wa Ashanti kufika kwenye mazoezi yanayofanyika kwenye Uwanja wa Msimbazi Rovers, Ilala kila siku jioni kujiona vijana waliosajiliwa.

Ligi daraja la kwanza (FDL) inatarajiwa kuanza Septemba 17 huku ligi daraja la pili ikitarajiwa kuanza Oktoba 16 mwaka huu.