AZAM YAWAPA WATANZANIA RAHA, BAADA YA KUSHINDA UGENINI

TIMU ya Azam imeanza vyema mashindano ya Kombe la Shirikisho la Soka Afrika (CAF), baada ya jana usiku kuibuka na ushindi wa mabao 2-1 dhidi ya wenyeji Barrack Young Controllers katika mchezo uliochezwa kwenye Uwanja wa Antonette Tubman Monrovia, Liberia.

Matokeo hayo Azam inahitajika sare yoyote ili iweze kusonga kwenye raundi ya Tatu na ya mwisho ya mchujo kabla ya hatua ya makundi.Mchezaji  Seif Abdallah Karihe ndiye aliyefunga bao la ushindi dakika ya 90, kufuatia kazi nzuri ya Khamis Mcha.

Azam inatarajiwa kurejea nchini kesho alifajiri na ndege ya shirika la Keny na mchezo wa marudiano utafanyika wiki mbili zijazo Uwanja wa Taifa, Dar es Salaam.

Kikosi cha Azam katika mchezo huo kilikuwa; Mwadini Ally, Himid Mao, Waziri Salum, David Mwantika, Joackins Atudo, Ibrahim Mwaipopo, Humphrey Mieno, Kipre Balou, Khamis Mcha, John Bocco ‘Adebayor’ na Kipre Tcheche.

Wachezaji wa Akiba ni Aishi Manula, Luckson Kakolaki, Malika Ndeule, Abdulhalim Humud na Jabir Aziz, Abdi Kassim, Jabir Aziz na Seif Abdallah