WACHEZAJI WA OLYMPIKI MAALUM WALIPOWASILI KUTOKA MAREKANI

TIMU ya Olympiki maalumu ambayo ilikuwa inashiriki mashindano ya dunia nchini Marekani inamewasili leo saa 9.15 alasiri kwa ndege ya Emirates.

Akizungumza baada ya kuwasili, Mkuu wa Msa­fara wa timu hiyo, Frank Macha, alisema anashukuru kurudi salama na mafanikio walioyopata kwani wamefanya vizuri.

“Timu yetu imefanya vizuri kwani timu ina wachezaji wanane na imepata medali kumi, dhahabu tatu, fedha nne na shaba tatu”, alisema Macha.

Michezo hiyo ilifunguliwa Julai 25 na ilifungwa Agosti 2 huku Tanzania ikiwakilishwa na wache­zaji wanane, wasichana wanne na wavulana wanne wa mchezo wa riadha baada ya kukosekana pesa za kupeleka timu ya soka.

Michezo ambayo walipata medali ni mbio za mita 100, mita 200, mita 400, mita 800 na mita 5000.

Mbio za kupokezana vijiti (4 x 100) iliambulia nafasi ya nne na hivyo hawakupata medali.