KIZUGUTO WA YANGA AULA TFF

Shirikisho la Soka  Tanzania (TFF) limemteua Baraka Kizuguto kuwa Ofisa Habari kuanzia Februari 1 mwaka huu.

Kabla ya uteuzi huo, Kizuguto alikuwa Ofisa Habari wa klabu ya Yanga nafasi aliyoitumikia kwa miaka miwili.

Kizuguto ana Stashahada ya Juu ya Habari na Mawasiliano kutoka Chuo cha Learn  IT cha Dar es Salaam. Pia, ana ujuzi wa kusanifu tovuti, ufundi wa kompyuta na uchambuzi wa mifumo ya kompyuta.

Mei mwaka jana, Kizuguto aliteuliwa na Shirikisho la Kimataifa la Soka (FIFA) kuhudhuria mafunzo ya usajili na uhamisho wa kimataifa wa wachezaji kwa njia ya mtandao (TMS) yaliyofanyika Johannesburg, Afrika Kusini.

Akizungumza baada ya kutangazwa na Katibu Mkuu Mwesigwa Baregu Kizuguto aliahidi kutoa ushirikiano kwa waandishi wa habari.