WAZIRI FENELLA AKABIDHI VIFAA VYA MICHEZO KWA VIJANA

Waziri wa Habari,Vijana,Utamaduni na Michezo Mhe.Dkt Fenella Mukangara (kulia) akimkabidhi Katibu wa Jumuiya ya Wanawake CCM (UWT) Kata ya Ubungo Bi Rose Ndunguru (Kushoto) Jumla ya Jezi seti mbili na Mipira tisa ilikabidhiwa ikiwa ni msaada kwa ajili ya Mashindano mpira wa Pete ya Kombe la Mheshimiwa Riose Wassira iliyoanza kuanzia jana katika viwanja vya Ubungo Msewe jijini Dar es Salaam
Waziri wa Habari,Vijana,Utamaduni na Michezo Mhe.Dkt Fenella Mukangara (kulia) akimkabidhi Katibu wa Jumuiya Wanawake CCM (UWT) Kata ya Ubungo Bi Rose Ndunguru (Kushoto) Jumla ya Jezi seti mbili na Mipira tisa ilikabidhiwa ikiwa ni msaada kwa ajili ya Mashindano mpira wa Pete ya Kombe la Mheshimiwa Riose Wassira iliyoanza kuanzia jana katika viwanja vya Ubungo Msewe jijini Dar es Salaam
Waziri wa Habari,Vijana,Utamaduni na Michezo Mhe.Dkt Fenella Mukangara (kulia) akimkabidhi Katibu wa Jumuiya Wanawake CCM (UWT) Kata ya Ubungo Bi Rose Ndunguru (Kushoto) Jezi kwa ajili ya Mashindano ya mpira wa Pete yanayojulikana kwa jina la Kombe la Mheshimiwa Rosea Wassira yanayofanyika katika viwanja vilivyopo Ubungo Msewe jijini Dar es Salaam

Na Frank Shija – Maelezo
Serikali itaendelea na juhudi zake za kuhakikisha inakuza sekta ya michezo nchini kwa kuhakikisha inasaidia ukuaji wa michezo mbalimbali na kuhamasisha vijana kujihusisha na shughuli za michezo ambayo inaonekana kutotiliwa mkazo.

Kauli hiyo imetolewa na Waziri wa Habari,Vijana,Utamaduni na Michezo Dkt Fenella Mukangara alipokuwa akikabidhi vifaa vya michezo kwa ajili ya mashindano ya mpira wa Pete yanayojulikana kama Mheshimiwa Rose Wassira Cup jana jijini Dar es Salaam.

Waziri Fenella amesema kuwa Serikali imekuwa ikijitahidi kuhakikisha sekta ya michezo inakua nchini na kupitia Wizara yake Serikali imekuwa ikitoa misaada pale panapohitajika.
Aidha Mheshiwa Fenella ameongeza kuwa kuna dhana potofu imejengeka miongoni mwa jamii kuwa Serikali imekuwa ikitoa kipaumbele kwa mchezo wa Soka pekee na kusema kuwa Serikali imekuwa ikijitahidi kusaidia michezo mbalimbali na kuvitaka vyama vya michezo husika kujidhatiti badala ya kujiweka kando na kuitupia lawama Serikali.

“Naomba niweke sawa suala moja muhimu hapa,kumekuwa na kasumba ya watu kusema kuwa Serikali inapembelea mchezo wa Soka pekee na kusahau mingine, suala hili siyo sahihi kwani kupitia Wizara yangu Serikali imekuwa ikishirikiana na wadau na viongozi mbalimbali wa vyama vya michezo kuhakikisha sekta hii inakua, mtakumbuka majuzi tu nilishiriki kuwaaga wachezaji wa mchezo wa Gofu walioenda kwenye mashindano ya kimataifa sasa hapo mnasema tunapendelea Sokapekee” . Alisema Waziri Fenella.

Kwa upande wake Katibu wa Umoja wa Wanawake wa CCM (UWT) Kata ya Ubungo Bi Rose Ndunguru amemshukuru Waziri Fenella kwa msaada wake wa vifaa hivyo na kusema kuwa vitaongeza hamasa katika mashindano hayo .

Katibu huyo ameongeza kuwa kwa msaada wa vifaa hivyo imejidhihirisha wazi kuwa sikweli kwamba serikali inapendelea aina Fulani ya mchezo kwani msaada huo umetolewa kwa ajili ya mchezo wa mpira wa Pete ambao ni miongoni mwa michezo inayoonekana kama imesahaulika.

Rose ameongeza kuwa imefika wakati wadau na wapenda maendeleo ya michezo kushirikiana badala ya kutupa lawama kwa serikali kwani kufanya hivyo siyo kuitendea haki kwakuwa ni ukweli usiopingika kuwa imekuwa ikijitahidi kuhakikisha michezo inakua hapa nchini.

Jumla ya seti mbili za Jezi na mipira tisa ilikabidhiwa kwa ajili ya mashindano ya Kombe la Mheshimiwa Rose Wassira yaliyoanza jana katika viwanja vya Ubungo Msewe jijini Dar es Salaam.