BENARD MWALALA, EDIBILY LUNYAMILA, ZUBERI KATWILA, STEVEN NYENGE, MWANAMTWA KIHWELO WAIADHIBU ELEVEN KIDS

TIMU ya Young Coaches maarufu kama Veteran jana iliifunga Eleven Kids ya Tabata bao 1-0 kwenye mchezo wa kombe la ng’ombe uliochezwa Uwanja wa Beira, Msimbazi Ilala.

Young Coaches inayoundwa na wachezaji maarufu waliocheza soka kwa kiwango cha juu nchini walionyesha kandanda safi lililowavuta wapita njia kusimama kuwatizama.

Eleven Kids ambao ni vijana wadogo walijikuta wakilazimika kuwavuta jezi Young Coaches wakati wakitafuta mpira kutokana na kuleweshwa na pasi moja moja walizokuwa wanapigiana.

Bao la Young Coaches lilipatika kipindi cha pili dakika ya 62 na Benard Mwalala baada ya kupewa pasi na Rajab Mohamed maarufu kama Nakuchema ambaye aliichezea Kariakoo Lindi.

Kikosi cha Young Coaches kiliundwa na Steven Nemes, Edibily Lunyamila, Benard Mwalala, Mwanamtwa Kihwelo, Jamadari Said Kazumari, Zulkifri Iddi, Steven Nyenge, Zuberi Katwila, Rajabu Mohamed Nakuchema, Ibrahim Masoud na Grayson Swai

Wengine ni Ramadhan Kampira, Shaffih Dauda, Dyamwale Ngade, Athuman Kipao, Ally Yusufu ‘Tigana”, Seleman Matola, Shadrack Nsajigwa na wengine wengi.

Young Coaches "Veteran' wakiwa mapumziko

Eleven Kids wakimsikiliza kocha wao wakati wa mapumziko

Mwanamtwa Kihwelo 'daliki moko' akiuwahi mpira

Steven Nyenge akikimbia na mpira 

Zuberi Katwila akimzuia mchezaji wa Eleven Kids asicheze mpira huku Barton Msengi akiuwahi

Dyamwale Ngade (kulia) akipanga jinsi ya kumtoka mchezaji wa Eleven Kids ya Tabata

Barton Msengi wa Young Coaches  (kulia) akimmtoka Omari Hassan wakati wa mchezo uliochezwa jana Beira Msimbazi

Kocha wa Young coaches George Lucas akiwa amebebwa kutokana na ushindi furaha ya ushindi