LAMPARD:KWA AJILI YA MAMA

London: BAADA ya kuweka rekodi mpya ya ufungaji Chelsea, Frank Lampard ameitoa rekodi hiyo kwa Marehemu Mama yake, wachezaji wenzake na Mashabiki wa klabu hiyo.

Mabao mawili aliyoyafunga kwenye ushindi wa mabao 2-1 dhidi ya Aston Villa, yamemfanya Lampard kufikisha jumla ya mabao 203 na kuvunja rekodi ya Bobby Tambling aliyekuwa na mabao 202.

@@@@

Alonso: Sisi tunachonga tu

Madrid: XABI Alonso amekanusha taarifa kwamba wachezaji wa Real Madrid wameamuriwa kutokuzungumza na vyombo vya habari, baada ya Pepe kutoa maneno makali dhidi ya Jose Mourinho.

“Kila mtu anaweza kuzungumza anachokitaka na hakuna kitu cha kuogopa, hakuna mtu anayetuambia nini cha kusema,” alisema Alonso baada ya sare ya 1-1 dhidi ya Espanyol, juzi.

@@@

Adebayor apania kuiua Arsenal

London: MSHAMBULIAJI wa Tottenham Hotspur, Emmanuel Adebayor (29) ameweka wazi kuwa anatamani kuua ndoto za Arsenal kumaliza kwanye ‘Big 4’ msimu huu.

“Akili yangu yote iko Tottenham, sijali kitakachowakuta Arsenal, kama ikibidi niwaue itabidi nifanye hivyo kwa sababu mchezo huu unahitaji ufanye vizuri kwenye timu yako,” alisema Adebayor.

  @@@@

Buffon: Tunakazi kuikamata Bayern

TURIN: Italia

LICHA ya Juventus kuchukua ubingwa wa pili mfululizo wa Serie A, nahodha wa timu hiyo Gianluigi Buffon amekiri kuwa Bianconeri wanahitaji kufanya kazi kubwa kama wanataka kufanya vizuri Ulaya.

Buffon anaamini kwamba, kwa sasa Bayern Munich wako hatua mbili mbele ya timu zote barani Ulaya, na wataendelea kutesa kwenye Ligi ya Mabingwa Ulaya.

Juventus walikutana na kipigo cha jumla cha mabao 4-0, kutoka kwa Bayern, kwenye robo fainali, kabla ya Wajerumani hao, kupata ushindi wa jumla wa mabao 7-0 dhidi ya Barcelona kwenye nusu fainali.

Pamoja na kutawala soka la Italia, Buffon anaamini kuwa Juve bado wanamtihani mkubwa kama wanataka kuchukua Ligi ya Mabingwa Ulaya.

“Kuchukua ligi ya mabingwa, sisi pamoja na klabu zote Ulaya zinatakiwa kujipanga ili kuifikia Bayern Munich, ambayo iko