ANTHONY MARTIAL BORA WA SEPTEMBA

Fowadi chipukizi wa Manchester United Anthony Martial amepewa tuzo ya mwezi september baada ya kuiwezesha Man United kuanza msimu huu vyema na huku yeye akionesha makeke kwenye kikosi hicho kinachoongozwa na Meneja Van Gaal.
Anthony Martial na Meneja wa Tottenham Hotspur Mauricio Pochettino ndio Washindi wa Tuzo ya Mchezaji na Meneja Bora wa Ligi Kuu England kwa Mwezi Septemba.
Marital, mwenye Miaka 19, alijiunga Man United kwa Dau linalodaiwa kuwa Pauni Milioni 36 Siku ya mwisho ya Uhamisho hapo Septemba Mosi na kuifungia Klabu yake mpya Bao 3 Mwezi huo huo.
Bao lake la kwanza lilikuwa dhidi ya Liverpool katika Mechi yake ya kwanza na Bao 2 alipocheza na Southampton.
Mwezi Septemba, Spurs ilishinda Mechi zake zote 3 kwenye Ligi Kuu England ukiwemo ushindi wa kishindo wa Bao 4-1 dhidi ya Vinara wa Ligi Manchester City.
Wimbi hilo limemfanya Meneja wao Pochettino atwae Tuzo ya Meneja Bora wa Ligi Kuu England kwa mara ya kwanza tangu atue hapo White Hart Lane.
Lakini Muargentina huyo ashawahi kuizoa Tuzo hii alipokuwa Meneja wa Southampton Januari 2013.
Martial dhidi ya Liverpool
Dhidi ys  Southampton