NAHODHA WA PRISONS AIPIA MBEYA CITY

 

NAHODHA wa Tanzania Prisons, Laurian Mpalile amesema mchezo dhidi ya Mbeya City utakuwa mgumu lakini haiwafanyi  kuogopa kucheza nao.

Mpalile alisema hasira za kufungwa na Yanga wanakwenda kuzimalizia kwa Mbeya City japo wanafahamu ni timu nzuri na inafundishwa na mwalimu mzuri.

“Tumefungwa na Azam FC mabao 2-1, jana (juzi) tumefungwa na Yanga wametufunga mabao 3-0, ni matokeo mabaya kwetu hivyo hasira zetu tutazimalizia kwa Mbeya City japo tunapokutana nao mchezo huwa mgumu”, alisema Mpalile

Pia Mpalile alisema dakika 20 za mwanzo walicheza kwa kuzuia zaidi huku wakitumia nguvu kutokana na maelekezo ya kocha kuona Yanga wanafanya mashambulizi yao kupitia wapi na kusahau kwenda kunashambulia.

Mpalile alimtupia lawama golikipa wao na kusema mabao mawili ya mwanzo walifungwa kutokana na makosa yake lakini wanamheshimu kwa sababu ni makosa ya mchezo ambayo hata mchezaji mwingine anaweza kufanya.

Pia nahodha huyo amekiri kadi nyekundu aliyooneshwa beki wao Josephat ilikuwa sahihi kwa sababu alikuwa ni mchezaji wa mwisho alipomfanyia Msuva  rafu ya nyuma ‘tackling from behind’ akiwa ndani ya eneo la goli

Mpalile pia alisema kubadilisha makocha  kwenye timu inachangia yetu kufanya vibaya kwasababu kila kocha anakuja na falsafa yake hivyo inakuwa vigumu kubadilika haraka kuendana na matakwa ya kocha.