HAPATOSHI VALENTINE DAY, PALE CASSA COMPLEX MIKOCHENI, FIKA NA MWENZAKO

KIONGOZI wa bendi ya Musica Creation,  Rissa Risasy amewataka wapenzi wa muziki wa dansi kujiandaa kupata burudani halisi ya muziki wa dansi yenye vionjo vya kiafrika.

Risasy aliyasema hayo wakati alipozungumza na waandishi wa habari juu ya uzinduzi wa bendi hiyo utakaofanyika siku ya Wapendanao katika Ukumbi wa Cassa Complex, uliopo Mikocheni jijini Dar es Salaam.

Mwanamuziki huyu mkongwe kwenye muziki wa dansi alisema kuwa bendi hiyo inamilikiwa na familia yake na itakuwa ikitoa burudani hapa nyumbani na nje ya nchi kwani watakuwa wakisafiri kufanya maonyesho.

Bendi hiyo inapiga kwa kutumia ‘Sofiyanika’ na ina vyombo vyenye uwezo wa kurekodi wakati wakimba ina wanamuziki nane, watano wakiwa wazawa wa Tanzania na watatu wanatoka nje ya nchi na ina albamu mbili.

Pia alisema kiingilio kwenye uzinduzi huo ni 30,000 kwa VIP, 15,000 na 10,000 na burudani itaanza saa 3:00 hadi majogoo.

Rissa Risasy aliingia Tanzania mwaka 1987 baada ya kufuatwa DRC na mke wa Lovy Longomba kuanzisha bendi ya Afriso Ngoma, baadae alihamia Sambulumaa bandi kisha Maquis na kuchukuliwa Virunga ya Kenya.