MSHAMBULIAJI WA SENEGAL ATUA MSIMBAZI KWA MAJARIBIO

Niang akipokea simu mara baada ya kuwasili kwenye hoteli aliyofikia jijini Dar es Salaam

Mshambuliaji raia wa Senegal Papa Niang ameshawasili jijini Dar es Salaam leo taayari kwa ajili ya kuanza majaribio yake ya kujiunga na klabu ya ‘Wekundu wa Msimbazi’ Simba  SC.

Niang leo ataunganishwa moja kwa moja na kikosi cha Simba ambacho kitafanya mazoezi yake kwenye uwanja wa Boko ambako ndipo kikosi hicho kinafanya mazoezi yake kwa ajili ya kujiandaa na mechi za ligi kuu Tanzania bara inayotarajiwa kuanza Septemba 12 mwaka huu.

Niang akiwa mapokezi akipata maelekezo kwenye hoteli aliyofikia

Katika majaribio yake, endapo Niang ataonesha kiwango cha kumvutia kocha mkuu wa Simba Dylan Kerr pamoja na benchi zima la ufundi la kikosi hicho, basi huenda akapewa mkataba wa kuitumikia klabu hiyo ambayo imekuwa ikihaha kutafuta washambuliaji wa kigeni.

Hivi karibuni Simba ilimleta mshambuliaji wa kigeni kutoka Burundi Kelvin Ndayisenga ambaye alicheza kwenye mechi ya kirafiki ya kimataifa dhidi ya URA FC ya Uganda huku akifanikiwa kuifungia timu hiyo goli moja kwenye ushindi wa goli 2-1.

Inasemekana Simba imeachana na mshambuliaji huyo baada ya kushindwa kufikia makubaliano katika masuala ya pesa ambapo Ndayisenga alitaka dau kubwa Simba wakashindwa kufikia na kuamua kumruhusu aondoke.

Jamaa akiperuzi magazeti ya bongo kujua yaliyoandikwa kwenye kurasa za leo

Dondoo kuhusu Niang

Jina kamili: Papa Niang

Tarehe ya kuzaliwa: 5 Disemba, 1988 (miaka 26)

Mahali alipozaliwa: Matam Senegal

Urefu: Mita 1.81 

Nafasi anayocheza: Mshambuliaji

Klabu alizowahi kuzitumikia:

Kwasasa: Mchezaji huru

2005-2006: ASC Thies 

2007: FC OPA

2008: AC Oulu

2009-2012: FF Jaro

2013: FC Vostok

2013-2014: Al -Shabab SC

2014-2015: FC Mounana