WENGER: SIKUTAKA KUMSAJILI FLAMINI, MIGNOLET:MOSES, SAKHO WATATISHA ANFIELD, PATO: MADAKTARI WA AC MILAN WALINIZINGUA NA BALE ASEMA RONALDO ZIDANE WATANIFANYA NIWE BORA

Wenger: Sikutaka kumsajili Flamini

LONDON, England

KOCHA wa Arsenal, Arsene Wenger ametobao siri kwamba, hakuwa na mpango wa kumrudisha kikosini kwake kiungo Mathieu Flamini, lakini kiwango kilichoonyeshwa na Mfaransa huyo kwenye mazoezi kilimfanya abadili uamuzi na kumsajili. Flamini aliondoka Arsenal mwaka 2008 na kujiunga AC Milan, ambako alichemka na wakati wa kiangazi alikuja Emirates kwa ajili ya kufanya mazoezi na kujiweka fiti tu, lakini Wenger akakunwa na kiwango chake na kuamua kumpa mkataba.

@@@@@

Mignolet: Moses, Sakho watatisha Anfield

LIVERPOOL, England

KIPA wa Liverpool, Simon Mignolet, anaamini mastaa wapya wa klabu hiyo, Victor Moses na Mamadou Sakho watakuja kufanya makubwa sana siku za usoni, Moses aliyetua Liver kwa mkopo akitokea Chelsea na Sakho amesajiliwa kwa pauni milioni 15 kutoka PSG, Jumatatu walikuwa kwenye kikosi cha Liverpool kilichopata sare ya mabao 2-2 na Swansea na wote walionyesha kiwango kikubwa huku, Moses akifunga bao moja jambo ambalo lilimsababisha kipa hiyo wa Kibelgiji kuamiani kwamba wawili hao watakuja kufanya makubwa sana Anfield.

@@@

 

Pato: Madaktari wa AC Milan walinizingua

RIO DE JANEIRO, Brazil

STRAIKA wa Corinthians, Alexandre Pato ameishukia klabu yake ya zamani ya AC Milan na kudai kwamba madaktari wa klabu hiyo ndiyo sababu ya yeye kusugua benchi kwa muda mrefu alipokuwa San Siro kutokana na kusumbuliwa majeruhi. Pato anaamini kwamba, matatizo ya misuli yaliyokuwa yakimsumbua yalisababishwa na madaktari ambao walimruhusu kurudi mapema uwanjani wakati akiwa bado hajapona vizuri.

@@@@

 

Bale: Ronaldo, Zidane watanifanya niwe bora

MADRID, Hispania

GARETH Bale anaamini atakuwa bora zaidi Real Madrid, kutokana na kufanya mazoezi na wachezaji wenye viwango bora katika klabu hiyo, Bale alimmwagia sifa Cristiano Ronaldo na kudai kwamba anatarajia kujifunza mengi kutoka kwa Mreno huyo, huku pia akidai kwamba uwepo wa Zinedine Zidane kwenye benchi la ufundi la timu hiyo, kutamsaidia kufikia kiwango cha juu zaidi duniani na kutimiza malengo yake.