KHEDIRA KUMFUATA OZIL ARSENAL, MOYES KUKOMAA NA BENTEKE JANUARI NA EVERTON NA NEWCASTLE ZAINGIA VITANI KWA DOUMBA

MADRID, Hispania

IMEFAHAMIKA kuwa kiungo wa Real Madrid, Sami Khedira, anataka kumfuata Mjerumani mwenzake, Mesut Ozil aliyetua Arsenal katika siku ya mwisho ya dirisha la usajili la kiangazi. Uwepo wa Asier Illarramendi na kuaminika kwa Luka Modric, kunamfanya Khedira kukosa namba kwenye kikosi cha kwanza cha Madrid. Arsene Wenger bado anataka kuongeza kiungo mkabaji kwenye timu yake licha ya kuwepo kwa Mathieu Flamini.

@@@@@@

Moyes kukomaa na Benteke Januari

MANCHESTER, England

KOCHA wa Manchester United, David Moyes ameendelea na mchakato wake wa kutaka kumsajili straika wa Aston Villa, Christian Benteke wakati wa Januari, licha ya Benteke kuongeza mkataba na Villa wakati wa kiangazi, lakini Moyes anaonekana kutokukata tamaa kuwania saini ya staa huyo wa Ubelgiji, ambaye msimu uliopita alikuwa moto wa kuotea mbali kutokana na kufunga mabao 23, na msimu huu tayari ameshatupia nyavuni mabao matano.

@@@@@@

Everton, Newcastle vitani kwa Doumba

LONDON, England

EVERTON na Newcastle United, zimeingia kwenye vita ya kumuwania straika wa CSKA Moscow, Muivory Coast Seydou Doumba, inasemekana Newcastle imekuwa ikiwania saini yake kwa zaidi ya mwaka mmoja sasa, Alan Pardew anaamini atamnasa jamaa huyo Januari, lakini anatarajia kupata wakati mgumu kutoka kwa Roberto Martinez wa Everton ambaye na yeye kwa sasa anasaka straika wa kuongeza nguvu kwenye safu yake ya ushambuliaji