Rais Samia Ahudhuria Uapisho wa Rais Hichilema Jijini Lusaka, Akutana na Viongozi mbalimbali wa Afrika

 Rais wa Jamhuri ya Muungano wa Tanzania, Mheshimiwa Dkt. Samia Suluhu Hassan, amewasili Jijini Lusaka, nchini Zambia, ambapo amejumuika na viongozi mbalimbali wa bara la Afrika kushiriki katika Sherehe za Uapisho wa Rais Mteule wa Jamhuri ya Zambia, Mheshimiwa Hakainde Hichilema, zilizofanyika tarehe 01 Septemba, 2026.

Ziara hiyo ya kikazi imeanza katika Uwanja wa Ndege wa Kimataifa wa Kenneth Kaunda Jijini Lusaka, ambapo Mhe. Rais Samia alipokelewa kwa shamrashamra na kusimama kushuhudia burudani kutoka katika kikundi cha ngoma za jadi, sambamba na kusalimiana na viongozi mbalimbali walioukaribisha ujumbe wake nchini humo.

Sherehe hizo rasmi za uapisho zilifanyika katika Uwanja wa Taifa wa Mashujaa Jijini Lusaka, zikiwakutanisha viongozi mbalimbali wa mataifa na wageni waalikwa kwa ajili ya kushuhudia tukio hilo la kihistoria la kidemokrasia nchini Zambia.

Katika viwanja hivyo, Mhe. Rais Dkt. Samia alipata fursa ya kukutana, kuzungumza na kusalimiana na viongozi wenzake wa Afrika, akiwemo Rais wa Jamhuri ya Namibia, Mhe. Netumbo Nandi-Ndaitwah; Rais wa Jamhuri ya Kenya, Mhe. Dkt. William Samoei Ruto; na Rais wa Botswana, Mhe. Duma Boko, kuashiria ushirikiano thabiti wa kidiplomasia uliopo baina ya Tanzania na mataifa ya ukanda huu.