WAYNE ROONEY ATAKA UNITED IANGAMIZE WEST HAM LEO!

Wayne Rooney amesisitiza kuwa ni muhimu kuifunga West Ham inayokamia ili kuendeleza nia yao ya kumaliza 4 Bora kwenye Ligi Kuu England.

Man United hivi sasa wapo Nafasi ya 3 kwenye Ligi Kuu England na lengo lao kubwa Msimu huu ni kumaliza ndani ya 4 Bora ili Msimu ujao wacheze UEFA CHAMPIONS LIGI tofauti na Msimu uliopita, wakiwa chini ya Meneja alietimuliwa David Moyes, walimaliza Nafasi ya 7 na kukosa hata kucheza UEFA EUROPA LIGI.

Jumapili Usiku Man United wako Ugenini huko Upton Park kuikwaa West Ham ambayo Msimu huu imegangamala mno chini ya Meneja wao Sam Allardyce na wapo Nafasi ya 8 wakiwa Pointi 7 nyuma ya Man United.

Akiongelea kuhusu Mechi hii, Wayne Rooney alieleza: “Siku zote ni Gemu muhimu na ni wazi hii na West Ham ni muhimu mno kwetu. Lazima tutilie mkazo kupata Pointi 3. Ni sehemu ngumu kwenda na kushinda na hasa Msimu huu ambao wanacheza Soka safi.”
Rooney, ambae ameifunga West Ham Bao 12 katika Mechi 14 alizoanza dhidi ya West Ham, aliongeza: “West Ham ni wapiganaji na wanakuvamia kila sehemu, ni ngumu kucheza nao lakini lazima tuwe tayari, tayari kupigana na tunategemea kucheza Soka letu!”
Msimu uliopita Man United waliifunga West Hama 2-0 hapo Upton Park na Rooney alifunga Bao moja la miujiza kutoka mstari wa kati na hilo liliwakumbusha Washabiki wengi Bao la David Beckham alieifungia Man United Mwaka 1996 huko Selhurst Park.

Akiongelea Bao hilo, Rooney alisema: “Nilimfuma Kipa katoka Golini na nikajaribu. Mara nyingine Mipira aina ile hutoka au hupaa lakini safari ile liliingia!”

Ingawa Rooney alikiri hilo Bao lake na lile la Beckham ni Mabao mazuri lakini alikubali la Beckham ndio zuri zaidi.

WAYNE ROONEY'S STATISTICS LAST SEASON AND THIS SEASON

Category	2013/2014	2014/2015
Games Played	29	19
Minutes Played	2448	1667
Goals	17	8
Mins per Goal	144	208
Shots on Target	43	13
Mins per Shot on Target	57	128
Total Shots	81	26
Mins per Shot	30	64
Successful Passes	1061	924
Successful Passes per 90 Mins	39	50
Assists	10	4
Mins per Assist	245	417
Chances Created (inc. assists)	56	26
Mins per Chance Created	44	64