OMAN AIR YATOA VIFAA KWA TIMU YA SOKA YA GYMKHANA DAR ES SALAAM

UONGOZI wa Shirika la Ndege la Oman Air jana wamekabidhi seti mbili za jezi kwa timu ya soka ya Gymkhana, kwa ajili ya matumizi katika mechi zao mbalimbali za mashindano na kirafiki.

Akizungumza leo jijini  Dar es Salaam Meneja Mwakilishi wa shirika hilo hapa nchini, Adil Alzadjali alisema wamekuwa na mahusiano ya muda mrefu na klabu hiyo na lengo la kutoa vifaa hivyo ni kusaidia maendeleo ya mpira hapa nchini, hususani klabu hiyo. 

“Bado tutaendelea kushirikiana kwa karibu na uongozi wa klabu hii, lengo ni kuhakikisha wanafikia malengo yao na kufanya vema katika michezo yao,” alisema Alzadjali

Kwa upande wa nahodha wa timu hiyo, Mohamed Seif alitoa shukrani kwa uongozi wa Oman Air kwa jezi walizotoa, kwani zitawasaidia kutimiza malengo yao na pia akasifia mchango wao katika kushirikiana na uongozi mzima wa klabu ya Gymkhana

Meneja wa Shirika la ndege la Oman, (Oman Air) Adil Ahmed Alzadjali (kushoto) akimkabidhi jezi nahodha wa timu ya Gymkhana Dar es Salaam Mohamed Seif (kulia) katika hafla iliyofanyika katika ofisi za shirika hilo jijini Dar es Salaam leo

Meneja wa Shirika la ndege la Oman, (Oman Air) Adil Ahmed Alzadjali akiongea wakati wa hafla ya kukabidhi vifaa kwa timu ya Gymkhana kulia ni Katibu wa Gymkhana, Walter Chipeta

Wadau wakishuhudia