WELSHARE NJE WIKI TATU, KUZIKOSA MECHI ZA SWANSEA NA BAYERN

KIUNGO nyota wa kimataifa wa Uingereza, Jack Wilshere anaweza kukosa michezo muhimu ya kufuzu michuano ya Kombe la Dunia baina ya timu ya taifa ya nchi hiyo dhidi ya San Marino na Montenegro. Nyota huyo anayecheza katika klabu ya Arsenal ataukosa mchezo wa Ligi ya Mabingwa Ulaya dhidi ya Bayern Munich utakaochezwa kesho baada ya kushindwa kupona majeraha katika kifundo cha mguu ambayo aliyapata katika mchezo dhidi ya Tottenham Hotspurs siku tisa zilizopita.Kuachwa kwa mchezaji huyo na klabu yake katika safari ya Ujerumani huku pia kukiwa hakuna uhakika wa kucheza katika mchezo wa Jumamosi ijayo dhidi ya Swansea City kunamuweka kocha wa Uingereza Roy Hodgson njia panda juu ya uwezekano wa kumtumia nyota huyo.

Mwezi uliopita kocha wa Arsenal Arsene Wenger alionyesha kuchukukizwa na kitendo cha Hodgson kumtumia Wilshere kwa dakika zote 90 za mchezo kinyume na makubaliano yao kwenye mchezo wa kimataifa wa kirafiki dhidi ya Brazil. Hali hiyo inaweza kujitokeza tena kama Hodgson akiamua kumtumia kiungo huyo katika michezo hiyo ya kimataifa hususani baada ya Wenger kumpa mapumziko mafupi nyota huyo ya kwenda Dubai ili apone haraka.