MKWASA AMWANGUKIA JAKAYA KIKWETE

KAULI ya Rais wa Tanzania, Jakaya Kikwete, kuwa ameacha kwenda kutazama mechi za timu ya Taifa kutokana na watu kudai akija timu hiyo ndipo inapofanya vibaya imemfanya kocha Mkuu wa Timu ya Taifa, Charles Boniface Mkwasa  kumwomba aweke silaha chini na kuisapoti 

Akizungumza na wandishi wa habari jana Mkwasa alisema anamwomba Kikwete aweke silaha chini na kuanza kwenda uwanjani kwani uwepo wake utawapa morali wachezaji 

“Wachezaji wetu walikuwa hawajui maana ya uzalendo sasa wanaelewa baada ya kuwafundisha hivyo uwepo wa Rais Kikwete utawafanya waonyeshe uzalendo kwa kucheza kwa nguvu zao zote hivyo namwomba aachane na kauli hiyo tugange yajayo”, alisema Mkwasa.

Wakati akifunga bunge mjini Dodoma, Rais Kikwete alitoa hotuba yake kwa wabunge na kuelezea jinsi ambavyo amesaidia michezo ikiwemo soka kwa kuwaleta makocha mbalimbali lakini timu hiyo imekuwa ikiendelea kufanya vibaya jambo lililomfanya kuacha kwenda kuitazama wakati ikicheza.