AFRIKA KUSINI KUTUA KESHO KUIKABILI TANZANITE

KIKOSI cha Afrika Kusini (Basetsana) kwa ajili ya mechi ya mchujo ya Kombe la Dunia kwa wasichana wenye umri chini ya miaka 20 dhidi ya Tanzania (Tanzanite) kinatua nchini leo

Afrika Kusini itatua Uwanja wa Ndege wa Kimataifa wa Julius Nyerere (JNIA) itatua saa 8 kamili mchana kwa ndege ya South Africa Airways.

Akizungumza na waandishi wa Habari, Ofisa Habari wa Shirikisho la Soka nchini (TFF) Boniface Wambura ambaye pia ni Kaimu Katibu Mkuu, alisema kuwa kuwa taarifa ambayo imetumwa na shirikisho la soka la Afrika Kusini inasema kuwa msafara huo utakuwa na watu 25, wachezaji wakiwa 20.

Wachezaji wanaunda kikosi cha Basetsana ni makipa Kaylin Swart, Regirl Ngobeni na Juliet Sethole. Mabeki ni Abongile Dlani, Caryn van Reyneveld, Chamelle Wiltshire, Meagan Newman, Nomonde Nomthseke, Tiisetso Makhubela na Vuyo Mkhabela.

Viungo ni Amanda November, Amogelang Motau, Gabriella Salgado, Koketso Mamabolo, Nomvula Kgoale na Thembi Kgatlane na washambuliaji ni Mosili Makhoali, obyn Moodaly, Sduduzo Dlamini na Shiwe Nogwanya.

Pia amesema viingilio katika mechi hiyo itakayochezwa Jumamosi ni sh. 1,000 kwa viti vya rangi ya kijani, bluu na orange, sh. 2,000 kwa VIP C, sh. 5,000 kwa VIP B wakati VIP A watalipa sh. 10,000.

Wambura amewaomba watanzania kufika kwa wingi kuishangilia Tanzanite ili kuwapa moyo waweze kukata tiketi ya kuiwakilisha nchi katika fainali za Kombe la Dunia kwa wasichana yanayotarajiwa kufanyika nchini Canada mwakani.