CANAVARO:KAMWE SIRUDISHI FEDHA KWANI NI HAKI YANGU ILA NAWASHANGAA WALIORUDISHA NA KUWAITA WASALITI

PAMOJA na Shirikisho la Soka la Zanzibar (ZFA) kusema kuwa watafuatilia suala la wachezaji wao waliogawana pesa za mshindi wa tatu katika mashindano ya chalenji Uganda, nahodha wa kikosi hicho Nadir Haroub ‘Cannavaro’ amesema kuwa hatorudisha pesa hizo kamwe kwani ni haki yake.

Akizungumza jijini leo Cannavaro alisema kuwa pesa hizo zilipatikana kutokana na nguvu zao katika kufanya vizuri kwenye michuano hiyo na kuweza kuwa washindi wa tatu.

Cannavaro alisema kuwa kwanza hakutaka kuzigawa pesa hizo kwa wachezaji wenzake, lakini baadhi yao walikuwa wakimshinikiza kuwapa pesa zao, cha kushangaza wao hao ndio wamekuwa wa kwanza kuziridisha pesa hizo kwa uongozi wa ZAF.

“Awali mimi sikuwa na mpango wa kuzigawa pesa hizo, lakini kutokana na wao wenyewe kutaka pesa zao, nililazimika kuwagawia lakini leo wao ndio wa kwanza kuogopa na kuzirudisha pesa hizo kwa ZFA,” alisema Cannavaro.

Alisema kuwa kwa maana hiyo anaweza kuwaita wasaliti kutokana na kitendo walichikifanya kwani yeye hataogopa kitu chochote na hawezi kuzirejesha pesa hizo ZAF.

Aliongeza kuwa hata kama uongozi wa ZFA wakipeleka taarifa hizo TFF, wao hawahusiki na chochote kwani suala hilo limefanyika Ugana na linahusina na wachezaji wa Zanzibar na sio Tanzania Bara.

“Hata kama wakileta mashitaka hayo TFF haitasaidia kitu kwani suala hili linahusisha wachezaji wa Zanzibar na halijatokea huku Bara,” alisema Cannvaro.